Pawltlak Thla Ni 1, 2012.. Issue 48

Page-1
Tualchhung :

Damlo : Jeniffer Lalbiaktluangi D/o Lalbiakmawia, Kapdaia Sec. a mi chu Pneumonia natna avangin Urban Health Centre Hlimen ah enkawl mek a ni.

Tuak thar : Zothanpuia S/o Ramsangliana, Damvea Sec. a mi leh Vanropari, khanpui khua a mite chu Nov. ni 27, 2012 khan damchhunga nupa ni turin an insawirem ta.

Nâu nei thar : Pu Lalthankima leh Pi Lawmsangzeli te nupa, Vawmphunga Sec. a mite chuan an fa pahnihna atan Nov. ni 28, 2012 (Nilaini) khan BN Hospital, Kulikawn ah fanu duhawm tak an nei thar.

Peihfel ta : Hlimen Branch YMA in Hlimen Thlanmual-I In a sak chu Nov. ni 28, 2012 khan Local Council leh YMA Committee member te nen hnatlangin an zo fel ta.

Hna hmu thar : Nl. Zairemmawii D/o Rozuala, Saichhuma Sec.(Hlimkhawpui News Editor) chuan Social Welfare hnuaia  ICPS ah Project Officer hna a hmu thar. Dec. thla hian a hna thar hi a zawm beisei a ni.
    Nl. Zaizaii hian kum 2008 khan Pune Unviversity a\angin MSW(Master of Social Work) a zova, tunah hian Indo-Global Social Service Society hnuaiah State Co- Ordinator hna a chelh mek a ni.
    Keini Hlimkhawpui Editorial Board ten kan lawmpui hle. Tin, kar leh Hlimkhawpui buatsaih zanah Editorial Board ten kan lawm dawn.

JAC ah report mai tur : Khawtlang mipui leh nunâute ralmuang taka an awm theih nan JAC Member te chu YMA Hall-ah zantin Duty \hin a ni a. Ruih avanga intihbuai leh bengchheng uchuak avanga harsatna siamte hria chuan JAC ah report zel mai tur a ni.

Chesual palh : Pu Lalmuanawma H/o Malsawmtluangi chu Nov. ni 28, 2012 a a inkhel zo Scooty a lo haw chu City Bus Terminal, Ngaizel ah Gypsy in a rawn su a, a mal veilam a nâ a, Damdawi In panpui a nih hnuin In lamah enkawl chhunzawm a ni.

Front :

C.C.C. MEETING IN CONFERENCE ROREWL BAWHZUI DAN TUR A REL

      Nov. ni 14, 2012 a CCC Meeting neih chuan Conference a rorel bawhzui dan tur hetiang hian a rel :-
A. YMA Khawih :
i) ‘Mizo mipuite inpumkhatna tichhe thei zawng leh Mizoram thendarh zawnga chibing hmalakna reng reng tihtawp a nih theih nan YMA-in hma la rawh se’ tih chu hmalak duh dan member ten zau takin an sawiho hnuin heng atanga hmalak hi an remti :-
1. Political Party (Hnambil Party)
2. Kohhran (Chibing Kohhran)
3. Zirlai Pawlah
4. Thuneihna sang zawk pek zel tawh lohna turin.
ii) ‘Rampum huap faina beihpui thlak turin Central YMA-in hma la rawh se’ tih chu a tul angin Central Executive Committee-in lo bawhzui se an ti.
iii) ‘Sorkar atanga Development Work Veng/Khua atana lo kal thin hi tha leh rotling zawka thawh a nih theih nan YMA-in hma la rawh se’ tih chu Central Executive Committee-in lo bawhzui se an ti.
iv) ‘Mizorama piang ni lo, Foreigner-te Birth Certificate pek an nih loh nan hmalak ni rawh se’ tih chu Central Executive Committee lo bawhzui atan dah a ni.
v) ‘Human Trafficking dona kawnga kan chak zawk theih nan YMA-in hma la rawh se’ tih chu Central Executive Committee bawhzui atan kan dah.

B. Sorkar Khawih :
i) ‘Mizoram chhunga quarry awmte hi mihring tan a hlauhawm loh nan YMA-in a tul angin hma la rawh se’ tih chu Central Executive Committee-in lo bawhzui se an ti.
ii) ‘Aizawl khawpui laili, Assam Rifles chhuahsan tur ram hi mimal hnena pe lo tur leh pek tawhsa pawh cancel tur leh tangkai taka hman a nih theih nana humhalh turin sorkar ngen ni rawh se’ tih chu Central Executive Committee-in lo bawhzui se an ti.
iii) ‘Branch YMA tinin mahni area-a motor kawngpui kama uar zawka thingphun nise. Tin, kawngpui kam mimalin an neih thin hi sorkar dan dinglai anga reserved a nih zel theih nan sorkar-ah thlen ni rawh se’ tih chu Central Executive Committee-in lo bawhzui se an ti.
iv) ‘Tribal Certificate pek chhuah chungchangah YMA te hriatpuina (Recommendation/Verification) a tel theih nan sorkar-ah thlen ni rawh se’ tih chu Central Executive Committee-in lo bawhzui se an ti.

IV. Kumpuan chungchang :

Kumpuan (2012-2013) ‘Ram leh Hnam Humhalh’ Kaihhruaina chu Central Executive Committee-in lo duang se an ti.

Page-2
Editorial :

SANGHAR A LUNGLAWM ARPUI A LUNGCHHIA
    Sanghar in Ar note a lak chuan a tan chaw tui ber leh sa tui ber a tling a, Mizo in ruai kan \heh a kan hlim ang tluk zetin atan chuan hun hlimawm leh nuam a ni. Mahse chu hun hlimawm tak chu Arpui tan chuan hun hrehawm leh lungchhiatthlak, lusun avanga rilru nat ngawih ngawihna hun a ni tlat mai si.
    Zoram mai nilo, khawvel ram hrang hrang a mite pawhin hun hlimawm leh nuam tia an nghahhlelh em em Krismas thla December chu kan lo chuangkai leh ta reng mai. Heng hun a lo thlen hian mi tam tak chuan Chhass thar nen, thuamhnaw leh eng engemaw thil thar nena hmangin hlim em em in, kham lo takin an hmang \hin a.  Kumin 2012 Krismas pawh hi tam tak tan chuan hun hlimawm ber a tling leh ngei ang.
    Chutih mek lai chuan chhungkua tam takte leh mimal angte pawhin he hunpui lo inherchhuak mekah hian lusunna avangte, dinhmun chhiat (retheih) na avangte leh natna avangte a he hun pawh hmang \ha thei lo, lungngaihna leh \ah tlawk tlawkna hun atana hmang pawh an tam hle \hin. Kumin Krismas lo thleng turah pawh hian engzat takin lungngaihna \ahna hun atan hmang leh ang imaw!!
    Hetiang hun a lo thlen dawn hian mi neinung leh \hian zahote, pawl angte leh kohhran hote a bengvar zualte chuan mi harsa leh lusun mangangte leh dinhmun harsat (retheih) avanga Krismas pawh nuama hmang ve thei lo tur ten nuam tak leh hlim taka an hman ve theih nan thilpek hlu takte pein an \anpui \hin.  2012 kum Krismas ah pawh hian chutiang ang tih nachang hria chu an awm leh ngeiin a rinawm. An awmlo a nih chuan he hunpui chu Sanghara lunglawm, Arpui a lungchhia a ni leh ngei ang le.

Ziaktute huang :

   TUNLAI Y.M.A. BORUAK

- Editor
    Nov. ni 26, 2012 khan CEC Meeting neih a ni a, Chhim lama Autonomous District Pathum - Mara, Lai, Chakma ten nasa takin CYMA demna thu Media kaltlanga neih mek a ni a.
    CYMA chu a dinna ngaiah a ding reng dawn a ni. Chibing leh hnam bil hmalakna, chibing politics leh kohhran reng reng chu a do zel dawn thu a sawi. Gupta Mission Recomendation pawh RTI hmanga lakchhuah a ni a.  He Commision Recomendation ah hian Deptt. 32 lai mai chu anmahni a ro inrelna turin Sorkar ah an thlen mek bawk a. Hetianga an dilna ang hian pass lo ni ta se Doitrict thar la tihphuisui loh ten District funding an ngiat ve zel dawn bawk a, Mizoram chu \hendarhin a lo awm zel dawn a ni tih hriain CYMA chuan hetiang thil hi a duh loh zawng leh khawmpui lian pawhin a lo passed tawh a nih avangin a dinna-ah a ding zel dawn.

MOTOR LIAN PARKING DAN TUR RUAHMAN FELTA
    Local Council leh Motor lian neitu te chu Nov. ni 26, 2012 zan khan Motor lian Parking chung changah inkawmkhawmna hun hmangin hetiang hian thu an titlu ta.
    Local Council in Central Workshop chhaka hmun zawl Parking Place atana an lo dil tawh chu motor neitu kalkhawm ten lungrual taka pawmin \ha an ti tlang a, tihhlawhtlin ngei nise hetiang hian ruahmanna thar an an siam :-
1.    A hmun hma felfai taka cheibawl (gate leh fencing te siam\hat)
2.    Hlimen mi Motor lian neite leh vengdang motor khalh rawn hawn \hinte (private parking nei lote) pawhin an motor an dah ngei tur a ni.
3.    Street light dah.
4.    Chowkidar cum Security \ha tak dah a, an awmna tur pawh sak nise.
5.    Chowkidar In sakna tur hi ` 500 \heuh December ni 2, 2012 (Pathianni) ralhma a Local Council Member/ office ah dah nise.
6.    Chowkidar Cum Security Duty tur hi Hlimkhawpui ah Advertisement chhuah nise, hetiangin :- a) Hlawh thla khat atan ` 3,000/- (b) Motor khalh thei, Driving license nei. (c) Hlimen khua leh tui ni ngei (d) a hmun a awm chilh thei chu duhsak bik nise.
7.    Nov. ni 29, 2012 (Ningani) zingkarah Local Council te leh Motor neitu ten a hmunhma va en ho a, Security Duty na hmun turte pawh thlir nghal nise.
8.    Motor neitu ten thlakhatah motor pakhat zelah parking fee ` 200 an chawi anga, receipt fel tak siamin Local Council in hun engemaw ti chhung chu an la ang.
9.    Parking fee hi thla thar ni 5 hmain pek \hin tur a ni.
10.    Zan rei taka lo haw, parking na hmun va thleng lova kawngdung hmun remchang zâu deuha dahte chu hriatthiam nise, amaherawhchu zing dar 6:00 hmain an tlanchhuak leh nghal/parking place ah an dah ngei ngei tur a ni.
11.    Motor lian tan turning hmun Quarry-ah siam nise.
12.    Driver ten chaw, thingpui, kuhva, meizial ilo lama an chawlh duha Traffic ti Jam lo a an awm theih nan Pastor Quarter bul leh Pu Hlimkunga In chhak bulah Stand siam/rin nise.

Page-3
Hriattirna :

                AR VULHTUTE TAN   
    Kum 2013 atan Member lak leh a ni dawn a. Âr vulhtu zawng zawngte Member ni vek turin kan inngen a. Membership Fee ` 50 heng mite hnenah hian apek theih reng a ni.
    1. Pu Laltlankima, Saichhuma Sec.
    2. Pu Lalchhantluanga, Kapdaia Sec.
    3. Pu Lalliankima, Kapdaia Sec.
    Tin, a hnuai a hun leh hmun tarkanah hian hruaitu thar thlanna hun hman tur a ni a, Member te kim taka kal tur a ni e.
    A hun    :    Dec. ni 6, 2013 Dar 6:30 Pm
    A hmun    :    Pu Lalliankima te In.
    Sd/-Secretary
    Poultry Farmer Assn.
    Hlimen

FISHERIES ASSOCIATION HLIMEN
    Fisheries Association Hlimen Member ni duh tan Dec. thla chhungin Pu K. Vanlalsanga, Damvea Sec. hnenah ` 100/- pe in member a nih theih e.

LAWMTHU SAWINA
    Local Council in kan kawng zimte a, kawng dung leh Mualzawl a Motor lian kan dah avanga Motor a veivak te leh ke a kal te tana chetsual(Accident) hlauh vang te, naupangte infiamna ber Mualzawl a Motor kan Park \hin avanga complain leh rawtna avangte , veng hmasawnna atana kan mamawh mek leh mamawh tho tho tur ala ni tih hriain Motor Park-na hmun atan Central Workshop bul a dil chu  phalna kan lo nei ta a. Hemi thu ah hian Traffic lam hotute(SP/Addl. SP) \umhnih ngawt sawipui leh a ni a. Annin min tuipuiin, a hmunte min rawn enpuite pawh an tum a ni. Hemi hnu Nov. 27, 2012(Thawhlehni) zan khan vengchhunga Motor  lian neitute nen sawihona neih leh a ni a. Hemi chungchangah hian kan harsatna te min hrethiam a, Central Workshop hmun phal taka min hmantirtu Transport Deptt. (a bik takin Director leh Work Manager) chungah te , he ruahmanna ti hlawhtling tur a thuawi leh min phurpuitu, Motor Lian neittute chungah Local Council chuan lawmthu a sawi tak meuh meuh a ni
-Member Secretary, Local Council.

HNARUAK DIL THEIH
    Central Workshop bula Local Council te leh Motor lian neituten parking place an buatsaih a Duty tur - Chowkidar Cum Security hna a ruak a. Hlimen khua leh tui dik tak, Driving Licence neite tan Plain paper a Hlimen Local Council Chairman Address-in dil theih a ni. Hlawh hi ` 3000/- Per Month a ni ang. Hei hi a \ul anga tihsan theih ani ang. Tin, a hmuna awmchilh thei chu duhsak an ni ang.
-Member Secretary, Local Council. 

 Lawrkhawm :

Khup 3 hmu lawm
    Pu Vanrothanga Saichhuma Sec. a mi chuan Nov. ni 28, 2012 (Nilaini) khan khup 3 a hmuhna chu lawmna hun a buatsaih a, tu leh fate nen chawhlui kilhona an nei.
    Hengte hi a tu leh fa khup 3 a hmuh dan chu a ni  - A fapa Pu Lalchhanhima a ni a, Pu Lalchhanhima fapa Pu Lalbiakliana a ni a, Pu Lalbiakliana fapa chu Pu Lalramsanga a ni a, Pu Lalramsanga fapa chu Lalruatsanga a ni.
    Hetiang khup 3 hmu hi mi  an awm nual tawh a,  a ni hmuh dan ropui danglam bik em emna chu mipa lam a\ang hlir a khup 3 hmu hi sawi tur an vang em em a ni.

Lawmthu
    Keini Anganwadi Centre No.1 in kan tuizem a mi tui a intlak tawh loh avangin kan paih a, naupang Nutrition siamna tur tui kan neih loh laiin Pu Vanlalsiama S.O. leh a thawhpui ten ei in siamna tur tui \hahnem tak min pek avangin an chungah kan lawm takzet a ni.
    Sd/- Secretary
    Anganwadi Centre No.1

Ngenna
    Dec. ni 3, 2012(Thawh\anni) a\angin Local Council chuan Quarry kawng chei mam, zauh leh Turning Point rokhawlhna dang a awm lo a nih loh chuan siam kan tum a, Quarry a hnathawk; kawng chhak leh kawng thlang a miten kawng siamte dipdal lo turin kan in ngen e.
- Member Secretary, Local Council.

G&SA hriattirna
    Sialsuk G&SA ten Aizawl South-III huamchhung tan Volleyball Tournament an siam turah Mipa leh Hmeichhia chhuah ve nise G&SA chuan a ti a, player te lo inbuatsaih turin hriattir in ni e.

Page-4
Keimahni :

Hlimkhawpui budget
    Hlimkhawpui November thla Budget  pe tla tawhte:
1.    Buala Sec.    2. Kapdaia Sec.
3.    Vawmphunga    4. Damvea Sec.
    Vawmphunga Sec. leh Buala Sec. ten December thla Budget an pe tla tawh bawk.

Buala Section
    Nov. ni 28, 2012 (Nilaini) khan Buala Section te chuan intuaitharna leh intihhlimna Reiek tlangah an neia, Bus hire in Member 27 an kal a ni. Tin, Khuangchera puk pawh an lut nghal bawk a ni.
    Hetianga Branch YMA in Section intihhlimna hun an siam sak avang leh Member kal te zingah rui buai leh harsatna siam an awm loh avangin Section YMA chuan lawmthu a sawi tak meuh a ni.

Vawmphunga Section
    Nov. 28, 2012 khan Vawmphunga Sec. te chuan Pi. Maremi Chaltlang huan, Maubawk ram,Nghaltanah intuaitharna hun hlimawm tak hman a ni a. Member 40 bakah YMA chhang 5 telin nilenga hun hman a ni a, chawhnu dar 2:30 ah hunserh/inkhawm hman a nih hnu in chawhlui tui tak kilho ani. Bus 1 hire niin, Pu Zairemthanga Asst. Leader leh Pu Zosanglura ten tlawmngaiin an motor an rawn thawhchhuahpui a, a lawmawm hle.
    Tin,a hmun neitu Pi Maremi chungah leh a hmunhma min ngaihtuahtu Pu Thangrehlova chungah Sec. Hruaitute chuan lawmthu an sawi bawk a ni.

Damvea Section
    Damvea Sec. te chuan hunpui lai denchhena kawngpui dung chei Comtt. in a  lo rel tawh chu bawhzuiin Nov. ni 28. 2012 khan hnatlang neih a ni. Zanlam hun remchangah hnatlang chhunzawm zel an tum.
    Tin, Section-in Function/ Advance Chrismas hman a lo rel tawh chu Branch in min phalsak a, a hun tura Commtt. in a ruahman kha rokhawlhna avanga sawn niin Dec. ni 18, 2012(Thawhlehni) zanah Pu Kamlova inkawtah ropui taka hman tum a ni e.
Sd/- Secretary.

Lalsavunga section
    Nov. ni 29, 2012 khan Section chung kawngba vai fai hnatlang an nei. Tin, House No.  avaia siam\hat hnatlang Dec. ni 4, 2012 zanah Pu Sikula te inah neih tur a ni. Tin, Section chhunga damlo te pawh hunremchang hmasaah kan an tum bawk a ni.

Chhiartute ngaihdan :
@@    Kar kalta khan kan huan, tuikhur dung ramah Zawng\ah in lova, Thlam a chawhmeh kanna ( Thirbel) in lo la bawk a, hriat thawi in ni a. Khawngaih takin ti tawh lo turin ka ngen a che u. Hlimkhawpui chanchinbu a kan inchhuah mualpho hma hian ti tawh lo turin ka ngen a che u.
-Lal\huama, Buala Sec.

@@    Lirthei nei kan \hahnem sawt si a, kan dinna/hunna hmun (Parking) te hi midangte dallo zawng tur i ngaituah tel ang u. Midangte an tlanve duh a, mipui veivahna atana hnawk zawng ten ni lullo teh se.  Târ leh naupang lamte pawh kawng kan dan i hrilh nawn fo ang u. Tin, vengchhunga lirthei neite pawh vengchhungah chuan chak takin i tlan lo hram ang u. Kumtling lo lirthei khalh hi dan phalloh anih avangin keini vengah hi chuan i zawm hram zel ang u.
    Bawlhhlawh chu a bawmah paih \hin tur a ni tih a nachang kan la hre tawk lo hi a va zahthlak em!! Bawlhhlawh bawm chhungah kan awm anih ngawt loh chuan kan awmna apiangah kan thil eina kawr/funna, zial bungte, Cigarrette bawm ruakte paih ngawt zel mai hi a remchang lo a ni tih i hre thar leh ang u.
- N. Zonunmawia

Chawhchawrawi :

PPP mode
    Bawlhhlawh paihna atana Oct. thla atana  Public Contribution hmuh dan :
Section          Hmuhzat    Sec. Hlawh
Kapdaia           ` 1360    ` 360
Vawmphunga     ` 920    ` 220
Damvea             ` 800    ` 200
    Mipui te leh Section YMA ten bawlhhlawh paihna atana 10% kan tum ve tur Public Contribution pek leh khawn lamah \an i la thar ang u. Public Contribution a\anga sum kan hmuh a\ang hian kartinin ` 1050/- pek chhuah \hin a ni. Hetiangin -a) Labour 1 @ `150 + 2 @ `200 = ` 550. b) Pick up hire na ` 500/-. Grand Total = `1050/-
- Secretary, PPP(Mode) Comtt.

Lawmthu sawina
    Pu Thanchhunga te chhungkua, Damvea Sec. a mite chuan an fapa Pu C.Zosangliana (L) hriatreng nan Plastic Arm Chair 5 YMA an rawn hlan a. An chungah Branch YMA chuan lawmthu a sawi tak meuh meuh a ni.

Advertisement :

Meihawl tha
    Hualtu Meihawl \ha, Bag 1 ` 380 chauhin englai pawn lei tur kan nei ta e. Bag 10 chin lei tan ` 350 zelin kan pe thei bawk. Tin, a pack a duh tan pawh ` 100 leh ` 50 man kan nei bawk e. Thlasik nuam taka i hmanliam theih nan Venglai kan dawrah min rawn pan ve teh. Thir chher mite tan hlei hlei a \ha a nia.

    In thian,
    Dingpuii
(2-2)    Ph. 9436361642 / 9862089152

Thirchhia lei duh reng e
    YMA Hall hnuai dawr, dawr No. 1 ah engtiklai pawhin  THIRCHHIA/ Aluminium/dar lam chi reng reng  ka lei duh reng e. Tin, Ar puahsa Kg-ah ` 200/- in engtiklai pawn  lei tur ka nei reng bawk e.

In \hian,
Lamte-a Contact :  8974243437
Zalen sunday Chanchinbu  sem tur duh
    A lak man thlakhat-1 ah Rs 40/-(Sunday vawinga pawh nise) zingkar chauh sem.
    Hlawh : Copy-1 ah Rs 10/- kan pe.
    Copy-100-ah ` 1000/-(With Bonus)
    Copy-200-ah ` 2000/-(With Bonus)
Mirinawmte tan a sem theih a, sum hnar \hatak a ni.
Branch/Section/Group- YMA/K|P/SAY/PYD leh mimal tan Inhlawhna \hatak a ni.
    Contact - 2318226/ 9862363559
BIAKSANGA BUILDING, NEWS AVENUE, TREASURY                 SQUARE

                Sd/- Manager
(4-3)        Zalen Leading Sunday News paper