Pawlkut thla Ni 5, 2013, Issue -1

Page-1

Tualchhung :

Damlo : Pu N. Zoliansanga(Amama) H/o Lianthangpuii Saichhuma Sec. chu taksa lam chaklohna avanga Alpha Hospital a awm chu dam takin a lo chhuak leh ta.

@@     Pu Darkhuma H/o Vanlalhlu-i, Buala Sec. a mi chu thinnâ avangin Jan. ni 1, 2013  khan Alpha Hospital ah admit a niin Jan. ni   3, 2013 khan dam takin a lo chhuak leh ta.

@@  Pu A. Lallawmsanga, Saichhuma Sec. te fapa chu khawsik natna avangin BN Hospital, Kulikawnah enkawl mek a ni.

@@  Nl. Zorintluangi D/o Zohmingthanga, Buala Sec. a mi chu Aizawl Hospital-ah zunkawng \halo avangin Jan. ni 3, 2013( Ningani) khan Admit a ni.

Tu thar nei : Hlimkhawpui News Editor, Pu Robuanga, Branch Fin. Secy ni bawk chuan tunu thar duhawm tak, a fanu Lalrinawmi chuan a neih sak ta. Hlimkhawpui News Staff ten kan lawmpui takzet a ni e.

Guwahati-ah sawn : Pu R.Lalremsanga MCS, Damvea Sec. a mi chu tuna a thawhna Under Secretary Home atangin Guwahati Mizoram House ah Deputy Residencial Commissioner turin sawn a ni a, January thla tawp lam hian a zawm hman beisei a ni. Deputy Residencial Commissioner hi Laison Officer(L.O) tih \hin kha a ni.

Free Clinic : Jan. ni 5, 2013(Inrinni) hian Hlimen Bi- Centenary pualin Free Clinic YMA Hall-ah neih a ni a, Doctor (Specialist) leh Nurse engemawzat an rawn kal.
    Tin, he Free Clinic hi Tuikhuahtlangin Hlimen rama Thlanmual/ Recreation Centre hmun an rawn neih avanga lawmthu an rawn sawina a ni bawk.

Front :

BRANCH Y.M.A. KUMTHAR COMMITTEE THUCHHUAK

  
    January ni 4, 2013 (Zirtawpni) zan dar 6:30 khan YMA Hall ah Hlimen Branch YMA Kumthar Committee neih a ni a, thurel mipuite hriat atana pawimawh zualte :-
1.    Property Secretary chung chang : Kum 2013 chhunga Hlimen Branch YMA Property Secretary atan Tv. R.Lalrindika ruat a ni a, tin, Asst.Property Secretary atan Pu Lalremthanga ruat a ni bawk.
2.    Hlimkhawpui Editorial Board : Kum 2013 chhunga Hlimkhawpui Editorial Board hetiang hian ruat an ni :-
                 Editor    :    Pu Robuanga
            Jt.Editors    :    Pu Laltlankima
                              :    Tv. J.Vanlalbiakdika
     News Editors    :    Pu Lal\hakima
                              :    Nl. Lallawmkimi
                              :    Nl. Zochuanpuii
      Cir. Manager    :    Pu Vanlalliana
3.    Section chung chang : Section din leh nise tih a ni a, Section hming pawh a ngai rin leh nise tih a ni.
    January ni 18, 2013 zan dar 7:00 Section hruaitu thlanna neih nise, inthlan dan turah mi 6 thlanchhuah, thlanpuitu ten form nghal nise tih a ni.
    Branch Committee Member awmsa nilo Section Leader a thlan chu Branch Committee Member-ah dahluh nghal nise tih a ni.
    Tin, Section tina inthlanna hmun tur leh inthlanpuitu turte hetiang hi a ni :-
1)    Buala Section : Pu Hrangchhuana te In
    Thlanpuitu turte : Tv. R.Lalawmpui & Pu R.Lal\anpuia
2)    Damvea Section : Pu Duhthusama te In
    Thlanpuitu turte : Pu Robuanga & Pu V.Thanchhinga
3)    Kapdaia Section : Pu K.Lalmuankima te In
    Thlanpuitu turte : Pu Vanlaltluanga,  Pu R.Lalremsanga
                Pu Duhthusama
4)    Lalsavunga Section : Pu Lalremmawia te In
    Thlanpuitu turte : Pu Lalrinmawia & Pu Zoramhmangaiha
5)    Saichhuma Section : Nl. Lalroliani te In
    Thlanpuitu turte : Pu Lalhmuchhuaka, Pu Lalvulliana
                Tv. R.Lalrindika
6)    Vawmphunga Section : Pu R.Lalhmachhuana te In
    Thlanpuitu turte : Pu Lalthantluanga & Pu Lalrinchhana
        Inthlanna tur hmun buaipui leh \ul dang awm thei angte hi Section hruaitu \anglai ten hma lo la se tih a ni.
4.    YMA chanchinbu Agent : YMA Chanchinbu Agent atan Pu Zoramhmangaiha ruat a ni.
     Phek lina ah chhunzawm leh  a ni.

Page-2

Editorial :

HOTU NGE HRUAITU

    Kumtar 2013 kan lo chuankai ta der mai le.. Kumthar anih angin khawtlanga pawl/ Association hrang hrang te pawhin kum 2013 a kan pawl Hotu/Hruaitu te kan in ruat/thlang fel \an ta.  La ti fello pawl \henkhat chu an awm a, anni pawh hun rei lo teah an insiam rem turah ngai ila.
    Kum 2012 liam ta chhung khan hotu tur nge kan thlan hruaitu tur, chung mite chuan hotu hna nge an thawh hruaitu hna? Thlan loh dana pawl member te enkawltu an nih hian memberte tan mai nilo, khawtlang tan leh mahni tan ngei pawh mualphona thlentu anih theih tih hi hriat reng fo a \ha.
    Kum 2012 khan hotu hna nge i thawh hruaitu hna? Kum 2013, kumthar atan hruaitu tura thlan i nih chuan hruaitu hna thawh chu i tihtur diktak a ni. Tin, hotu tura thlan i nih chuan hotu hna chu thawk mai ang che.
    Issue hmasaah khan hruaitu nihna leh tihtur te, hotu tura thlan i nih chuan hotu tihtur leh nihna te chu tarlan a ni. Hetiangin:-
    1. Hruaitu chuan a memberte kawng a kawhhmuh a, a hruai mai \hin. Hotu erawh chuan a thuneihna hmangin member te a khalh \hin.
    2. Hruaitu chuan memberte rilru leh thâ a hmang thiam \hin. Hotu chuan a thuneihna a lek \hin.
    3. Hruaitu chuan ‘kan’ tih \awngkam hmangin member te a tichak a, Hotu chuan ‘ka’ tih hmangin amah a in dah lian \hin.
    4. Hruaitu chuan engtinnge ni ang tiin member te thurawn a la fova, hotu chuan engtinnge an tih ,a hre duh ringawt \hin.
    5. Hruaitu chuan thil \halo lai a \ul angin a siam rem \hin a, hotu erawh chuan thil\halo thleng \hin ah mawhpuh tur a zawng \hin.
    6. Hruaitu chuan tihtur awm apiang  chu member te hnenah ‘ i ti ang u’ tiin a hruai a, hotu ve thung chuan thu pe in ‘ti rawh u, kal rawh u’  tiin. Lal hrawtin Order takin  member te thu a p>  ringawt \hin.
    Kum 2013 chhung hian hruaitu atana thlan nge i nih hotu atana thlan ? HOTU  NGE HRUAITU ?

Ziaktute huang :

  KUM 2012 CHHUNGA HLIMEN A THIL THLENG LANGSAR ZUALTE :

    Jan. ni 17    :    Hemi zan hian Section tinah Section O.B. tur thlan a ni.
    Feb. ni 23    :    Hemi ni hian Hlimen Local Council inthlan neih a ni a, MNF-5, INC-1 leh ZNP-1 thlanchhuah an ni.
    March ni 6    :    Hemi zan hian Local Council, YMA, MHIP leh MUP Joint Meeting neih a ni a, Hlimen Kum 200 tlin (Bi-Centenary) lawm nise an ti.
    March ni 23    :    Hemi zan Hlimen Branch YMA Day vawi 66 na lawmna hun YMA Hall-ah hman a ni a. Pu Vanlalruata Gen.Secretary CYMA chuan kumpuan thupui a sawi.
    April ni 6    :    Salvation Army Hlimen Corps ten Biak In(Hall) an sak thar chu Col. Lalngaihawmi chuan a hawng.
    April ni 20    :    Matric Result tihchhuahah kan veng a\angin mi 35 zetin an Passed.
    May ni 1    :    HSSLC (CL-XII) result chhuakah kan veng a\angin mi 22 in an passed.
    June ni 9    :    Hemi ni zan Pu Zothantluanga (mazova) te In Saichhuma Sec. a mi chu a kang a, an chhungkaw tan hian YMA chuan pawisa leh bufai phal ang tawk tawk chhungtinah a khawn sak.
    June ni 15    :    YMA Day chu chhunlamah Thlanmual-II ah thlanlaihna tur Lane siamin hnatlang neih a ni a. Zan lamah YMA Hall-ah Function hmangin Section hrang hrangte Lengkhawm hla hmangin intihsiakna neih a ni.
    June ni 29    :    Khan PHE Chhimphei Site Office Pu Vanlalsiama In luah mek chu Er. H.Duhkima E.E. chuan a hawng.
    July ni 6    :    MHIP Day lawm niin vengchhung kawngpuidung phiatfaiin an Day hi an hmang a ni.
    Aug. ni 3    :    Hemi zan hian Hlimen Branch YMA chuan tleirawl kum 10-15 inkarte a kokhawm a. Heng mite fuihna thu sawi tur hian Dr. Eric Zomawia leh Pu R.Lalngheta Trea. CYMA te sawm an ni.
    Sept. ni 9    :    Electric Tranformer Damveng leh H/S Veng chawmtu 100 KVA chuan a zawh tawh loh avangin 250 KVA a thlak niin hnatlang a dah a ni.
    October     :    YMA in MP (RS) Pu Lalhmingliana Fund a\anga Thlanmual-I In sakna hmuh chu sak a ni.
    November    :    Local Council hmalakna in Central Workshop Quarter a\anga Field panna chu motor luh theih turin siam \an a ni.
    Nov. ni 23    :    He mi ni zingkar hian Local Council bul tumin Hlimen leh Melthum inri na-ah ramri chhinchhiahna phun a ni.
    Nov. ni 27    :    Hemi zan hian Local Council te leh Motor lian neitute an inhmukhawm a, Central Workshop chhak zawlah Motor park vek tawh nise tiin an rel.
    December    :    Branch YMA chuan vengchhunga mi harsa chhungkaw 6 hnenah \anpuina ` 2,000/- \heuh a pe.
    Dec. ni 12    :    Aizawl South-III tana Sialsuk a Volleyball Tournament buatsaihah kan Veng mipa leh hmeichhe Team an champion.
    Dec. ni 14    :    Hemi ni zingkar hian Hlimen kum 200 tlin lawmna Lungphun chu Pu K.Liantlinga MLA in a hawng.
    Dec. ni 14    :    Hemi zan hian kum 2013 Hlimen Branch  YMA hruaitu thlan a ni.
    Dec. ni 20    :    Hemi zan hian Facebook a Hlimen \halai fuankhawmna ‘Hlimkhawpui Lovers’ Member ten miharsa \anpui nana bawm an dawh a pawisa tlingkhawm ` 3,250/- chu \anpui tura an thlanchhuah hnenah an pe.

Page-3

Hriattirna :

                AR VULHTUTE TAN   
    Kum 2013 atan M 

 Lawrkhawm :

Khup 3 hmu lawm
    Pu Vanr

Page-4

Keimahni :

Hlimkhawpui budget
    Hlimkhawpui December thla Budget  pe tla tawhte:
1.    Vawmphunga Sec.    2. Buala Sec.
3.    Damvea Sec.    4. Kapdaia Sec.
5.    Saichhuma Sec.

Phekhma chhunzawmna
5.    Section Budget : Hetiang hian Section Budget ruahman a ni :
1. Damvea Sec.    -    `    3,000/-
2. Saichhuma Sec.    -    `    3,000/-
3. Buala Sec.    -    `    3,000/-
4. Kapdaia Sec.    -    `    3,000/-
5. Vawmphunga Sec.    -    `    2,500/-
6. Lalsavunga Sec.    -    `    2,000/-
                       Total    -    `    16,500/-

6.    Bungraw hawhman chung chang : Bungrua hawhman hetiang hian siamthar a ni.
1) Thleng pakhat pawisa 50/-
2) Dekchi pakhat ` 30/-
3) P.A. Set ` 100/-
4) Gas Stove pakhat ` 100/-
5) Kawrchei hak khat ` 50/-

7.    Hall hawh man : Hall hawh man atan ` 200 nise. Local Council, MUP, MHIP te chu man chawi a ngai lovang tih a ni.

8.    Sum Audit chung chang : Branch hnuaia sum vawn hrang hrangte kumtawp remchangah Audit nise tih a ni.

9.    Budget Estimate : Kum 2013 Budget Estimate atan ` 200,000/- ruahman chu pawm a ni.

10.    Chhiatni Fund chung chang : Kumin chhungin Chhiatni Fund khawn leh nise tih a ni a, lo buaipui turin Branch O.B te leh Section hruaitute ruat an ni.

11.    Hall hman dilna : Hlimen Presby. Kohhran in YMA Hall Senior Deptt. kumin chhunga inkhawm nan an dil chu phalsak a ni.

12.    Kuang siam hnatlang : Jan. ni 12, 2013 (Inrinni) hian YMA Hall-ah Branch Committee ten kuang siam hnatlang neih nise tih a ni.

13.    Committee na a sum kenkhawm : Kumtawp a mi harsa \anpuina turin Committee na-ah Member ten phal ang tawk tawk kenkhawm \hin nise, bawm hun tur hi Pu V.Thanchhinga kutah awmse tih a ni.

14.    Folding khum lei chung chang : Emergency a hman atan Folding khum remchang hmasa-ah pahnih lei nise tih a ni.
 

Chhiartute ngaihdan :

@@    Sawrkar leh khawtlang hruaitu ten dan dinglai angin rankhuahkhirh a ni a, a bikin ui leh ar chhuah phalloh a nih laiin keini veng chhung bikah hian kan la chhuah tam emm em mai a, a \henin chhunah kan thlung a, zanah kan chhuah leh mai \hin a. Zanah pawh chhuah khap tlat a ni tih hriat thar a \ha khawp mai.
    Tin, ui kaihchhuah a mi Compoundah te, khawlai fai laiah te ek tir mai kan ching fo mai hi sim a va \ha em. Mahni Compound-ah ek tir a, thiar leh mai nise ava \ha em.
- Mapuia, Vengchhak.

Chawhchawrawi :

KUM 2012 CHHUNGA KAN THEN TAKTE :-

    Hming    Thihni    

1.    Pu R.Laltlanthanga, Vawmphunga Sec.    Jan.  4
    S/o Upa Rokunga(L)
2.    Tv. Lalnunpuia, Saichhuma Sec.    Jan.  21
    S/o Rozuala
3.    Nl. Vanlalhruaii, Kapdaia Sec.    Jan.  25
    D/o Engzami
4.    Tv. Lalbiaknunga, Buala Sec.    Jan.  27
    C/o C.Rozama
5.    Pu Sib Lala, Buala Sec.    Feb.  4
    H/o |huamliani
6.    Pu Zonundanga, Damvea Sec.    Feb.  20
    H/o Lalbiakveli
7.    Linda Lalhmangaihzuali, Damvea Sec.    Mar.  16
    D/o Lalrindika
8.    Pi Zaitawni, Vawmphunga Sec.    April  24
    W/o Thankhuma(L)
9.    Pi Lalbiaktluangi, Saichhuma Sec.    May  6
    W/o L.S.Khuala(L)
10.    Remsangpuia, Buala Sec.    May  21
    S/o Ramnghakmawia
11.    Tv. Lalmalsawma, Damvea Sec.    June  18
    S/o R.Hranga
12.    Pu Thangchungnunga, Saichhuma Sec.    June  21
    H/o Zopari
13.    Pu Tlangchhana, Saichhuma Sec.    July  18
    H/o Zalenmawii
14.    Nl. Lalthanpari, Saichhuma Sec.    Aug.  24
    D/o Lalkhuma(L)
15.    Pi Lalrinpuii, Saichhuma Sec.    Sept. 4
    W/o Zothantluanga
16.    Pu A.Lalhmangaiha, Damvea Sec.    Sept. 21
    H/o Lalhmangaihzuali
17.    Pu Thangphuta, Kapdaia Sec.    Oct. 4
    H/o Sawichhungi(L)
18.    Pu C.Zosangliana, Damvea Sec.    Oct. 14
    H/o Lalrammawii
19.    Tv. Ramdingliana, Saichhuma Sec.    Oct. 28
    S/o Lalsangpuii
20.    Pu Zoengmawia, Saichhuma Sec.    Dec. 26
    S/o Palala(L)
    Heng bakah hian Hlamzuih pathum an awm bawk.   

Pawltlak thla ni 29, 2012.. Issue 52

Page-1

Tualchhung :

Damlo : Benjamin Laldintluanga S/o Lalbiaktluanga, Damvea Sec. a mi chu kaw\halo leh luak avangin Dec. ni 25, 2012 khan Durtlang Hospital-ah Admit a ni.

@@     Nl. Zonunpuii (Seni) D/o Hrangkhuma, Buala Sec. a mi chu thawhah avangin Hospital vawi hnih panpui a ni a, treatment te lo pek niin tunah In lamah enkawl mek a ni.

@@     Tv. Lalmuanpuia S/o K.Mangpuia, Buala Sec. a mi chu Dec. ni 24, 2012 zan khan pum lam \halo avangin Civil Hospital ah Admit a nia, dam takin a lochhuak leh ta niin thu kan dawng.

Boral  : Pu Zoengmawia S/o Palala, Saichhuma Sec, a mi chu Dec. ni 25, 2012 zana a mu chu a tuk Dec. ni 26, 2012 zingkar khan kaihthawh zawh lovin mual min lo liamsan ta a ni. Hemi ni vek hian vuiliam nghal a ni.

Nâu nei thar : Pu Lallawmsanga leh Pi Lalawmpuii te nupa, Saichhuma Sec. a mite chuan Dec. ni 28, 2012 khan BN Hospital Kulikawn ah fapa duhawm tak an nei thar.

Chhunzawm tum : Electric light awmlohna veng hunpui laia Fit/siam siam hman loh siam hmabak la awm chu kumthar, kum 2013 kum bul a\angin siam chhunzawm leh tum a ni a. Siam tawh eng theilote pawh eng \ha thei ngei tura siam(Repair) tum a ni bawk.  Mipui ten dawhthei taka lo nghak hram hram turin khawtlang hruaitute te, Local Council te chuan min ngen a ni.

Artui sem : MHIP Hlimen Branch te chuan hunpui lai denchhenin vengchhunga kum lama upa te hnenah Artui an sem.

Krismas ruai : Hlimen Prebyterian huamchhunga Venglai te chuan an huamchhungah chhiattawhna avangin ruai \heh hun tura ruahmanna chu a rem tak loh avangin a tuk., Dec. 27, 2012 (Ningani) khan an ruai chu \heh ve ta a ni. 

Front :

CHHIATNI A HMANGCHANG

   
    1. Vengchhungah chhiattawh (thihna) a awmin in vel singsak fel \hin  a ni a, hetah  hian a neitu, chhiattawk chhungte zai ngai a chet a \ul khawp mai. Kan duh thal a kan lo chet vak hian thil tih chhiat leh bo thlau te a awm theih bakah mipui an \in hnua in vel singsak leh duh hunah harsatna nasa tak chhungkua te kan siam thei tih hriat a tha.
    2. |uarpui tura kal ten inchhung lam luh tum lova, pawn lam ringawt kan chuh \hin hi sim a \ha. In chhungah kan leng a nih chuan lut ila, kan leng lova pawn a kan awm a nih chuan a \ha hle zawk thung. Pawn lam chuh rikngawt hi chu a mawi lo tih hriat a \ha.
    3. Chhiatni ah \halai tih tur deuh a awm a, nu leh pa tih tur deuh a awm, kan chanvo chin hriat a \ha. |halai awlthawng mai nisi lo tar awm (|hut) ve veng veng  te a mawi lo.
    4. Mitthi vui inkhawma hun tawp hla hi hlahriltu in lak nawn fo hi a \ha ber lo. Pawn lamah rem lo leh ni sa/ ruah   sur karah mi tam zawk vui Programme ngaipawimawh si an tam a, an mitmei ven thiam a \ha.  Kan zai tui viau a nih pawh in vui zawh, ruang thlak hnuah zaina hun a tam hle a ni.
    5. Mitthi vui zawh thlalakah hian tuartu chhungkua ten  a tlem lama tih thiam a tha. Phungthluka chumi khami te tih tam lutuk hi thil hautak thlak mai a ni. En zui leh hlawh lutuk lo a ni duh. A hautak thlawm mai mai. A remchan ang zel a , a huhova khai khawm theih nise , lang tur chin lang kim vek thei si a, tih thiam a \ha. |ullova sumsen thlawnna mai a ni.
    6. Mitthi awm nikhua a zurui chunga tlawmngai ber ang mai a awm tum leh lo bengvar lutuk pawh hi a mawi lo. |ul ni a zuruiin an hriat chu rui lo ten an hre tho. Zu rui chung a lo phili ve sek hi sim a \ha.
    7. YMA zan tawp bera hun tawp hla pawh hi hla hriltu ten kan tui hle ni a hriatna avangin nawn fo a \ha ber lo. |halai kalkhawm te kha an tui vang nilovin, hun tawp/ banna tur a nih avanga \hahnemngai mai an ni \hin. Lak nawn fo chuan boruak a dang zel ang.  Ban dawn a nih avanga phur mai an ni tih hriat a \ha.
    8. Kohhran pawl tlem zawk ( Te zawk) ten kan Kohhran nihpui te chhiat tawk a kan bengvar ang hian midang chhiattawh ah pawh beng var thiam a \ha.
    9. |halai / la va lai tak kan nih chuan thlan laih ah te, lumenna ah te kan tel ve \hin a \ha. Mizo culture in min phutna a ni. Tuman tlaivar an ngeih zawk lo, tlawmngaihna a ni si a ni.
    10. Tlangval laia khawhar in a riak ngai lo nih leh nulat laia mitthi in a che ngai lo nih hi zah a lak tur a ni.
    11. Khawhar in a khawhar hla sak a nih a, zai ve ngai lo nih hi changkanna leh hmasawnna a ni lo, rual pawl lohna  chi khat a ni tih hriat a \ha. Thiam loh pawh thiam tum hi hmasawnna a ni.
    12. Khawhar in a YMA Programme neih laia Cell Phone lo khawih mawlh mawlh chin hi a \ullo hle. Sim a \ha. Mi pawhin an nei ve thova sim a \ha.
    13. Faina lam- Khawhar in a kan kalin inchhungah leh pawn lamah pawh kuhva leh hmawmsawm dang kan ei na kawr hi thlauh mai mai loh a \ha. Bawlhhlawh bawmah ngei paih \hin nise. Meizuk bung thlengin. Kan bawlhhlawh hnutchhiahin midangte harsatna a thlen tih hriat a \ha.
    14. YMA hun tawp zana inralna neih \hin hi a hlu hle, Memberten uar deuh deuh a \ha. Kan la tawng vek dawn si a. Tuartu chhungkua te tan malsawmna hlu tak a ni.
    15. Thlan laih mai ni lo, thlan vur leh thei nih tum ila, heng ni a in lama chetpui thei nula nih tum ila, hetiang mi hi an hlu a, midangten an hre reng \hin.
    16. Zanlaiah chhiattawhna thil awmin veng chhung leh hmundangah pawhhriat duh loh a awl viau. Hriat ve leh chhuanlam awm lova kal thei mai nih hi tum tak tak chuan thil theih a ni. Hetiang mi hi veng tan mai ni lo, hnam tan ro hlu an ni. Nih i tum tlang \heuh ang u.
17. Ruang awm ni a nula ten kekawr tlawn kawng tawi,  kun leh \hut zawng a ngum lang thei ha ta lova, puan kan bih \hin hi a mawi hle a ni. Kan uar zel turah ngai ila, kan sam mawi tak erawh thlahdah loh a \ha. Thingpuiah sam zai a awm palh a nge. Tea Tray chawi chunga hmanhmawh lutuk loh a \ha bawk.

Page-2

Editorial :

   BUL TAN THAT A PAWIMAWH

    Thufing pakhat chuan, ‘Bul \an \hat hi a chanve zo ang tluk a ni,’ a ti a. Tin, ‘tui baw hnu a ruh leh theih tawh loh a ni’ a ti bawk. Tin, thufing pakhat leh chuan, ‘I thusawi dawnin ngaihtuah hmasa la, i \awngsual turte,  i thil tihsual i inchhir lehna tur leh i tana pawi tur lakah nasa takin i him phah dawn a ni’ tih a sawi bawk.
    Kum 2012 Jan. - Dec.  inkar chhung khan eng thil nge i tih \hin a, eng thute nge i sawi \hin. Khawtlang leh \henawmte tana \ha lo; nangma tan ngei pawha \ha lo vawi engzat nge i sawi a i lo tih tawh. Chu’ng thil zawng zawng chu inchhirin sim tum mah la tui baw hnu a ruh leh theih tawh loh angin a sawt tawh lo. Chutiang bawkin kan thusawi \halo leh kan thil tih \ha lote pawh hi ngaihtuahna hmang hmasa lova kan lo tih \hin rahchhuah vek a ni.
    Awle, kum thar 2013 bul kan \an chho leh dawn a ni a, pawl tin leh Association hrang hrangte pawhin hruaitu thar kan insiamfelin kohhran hote pawhin kum 2013 a rawngbawlna ke hrang hrang chelhtu tur pawh an ruat fel tawh niin a lang. Kohhran leh pawl Association a chanvo neitu zawng zawngte pawhin kum 2013 hi a \ha lama kum chhinchhiah tlak, hriatreng tlak a nih theih nan kum bul a\anga bul \an \hat a pawimawh hle. Chutiang bawkin chhungtin leh mimal tinte pawhin inchhir lehna tur awm lo thei ang bera kum bul kan \an \hat hi a \ul takzet a ni. Khawtlang nuam Hlimen hi a nih theih nan pawh hruaitu leh mipuiin BUL |AN |HAT a ngai.  Kum 2013 kumthar hi a \ha lama chhungkua leh pawl, khawtlang tan chhinchhiah tlak ni tur chuan bul \an \hat a pawimawh. 

Ziaktute huang :

   KAN THEN TAK

 

Pu Zoengmawia Kum 46 : Pu Zoengmawia hi Pu Vanlalchhunga (Palala) leh Pi Thangdailovi te inkarah an fa 4 zinga a naupang ber ni turin July ni 12, 1966 khan a lo piang a, naupang hmel \ha leh duhawm tak a ni a, mi \awng tam lo mi pawi pawh sawi ngailo, nun inthlahrung thei tak nei mi a ni.

    Zirna lamah hian a kal thui lem lova pawl 5 thleng a zir ve a, mahse a kutziakte hi a \ha in a uluk thei hle a, kum 1991 khan Synod Press ah a thawk a, chuta \ang chuan Lengchhawn Press ah a insawn a kum 1992 khan Khatla ah a awm phei ta a ni.
    Tin, Lalparmawii Mission Vengthlang a mi nen kum 1992 khan an innei a ni. Fa hi hmeichhia hlir 6 a nei a, tu 1 a nei bawk. Kum 2007 khan a nupui nen an in\hen a, hemi avang hian a rilru pawh a nâin a hah thei hle a. A khawhar hnem tur leh a rilru hah chhawk nan tiin a nun beidawng lutuk chuan zu te a in phah ta bawk a. Chutiang a hun a hman chhoh mek lai chuan Mitliam natna hian a chenchilh reng bawk a ni. Mahse a natna hi a chhungte hnenah pawh a sawi vak ngai lova. Hunpui te \ha taka hmang tlang tura an inngaih laiin Dec. ni 25, 2012 zana a mu chu a tuk Dec. ni 26, 2012 zingkar khan kaihthawh mai an tum chu kaihthawh theih lovin mual min lo liamsan ta a ni. Hemi ni vek hian vuiliam nghal a ni.

Page-3

Hriattirna :

Free clinic
    Hlimen Kum 200(1812- 2012) Bi- Centenary denchhen hian Jan. ni 5, 2012 hian Free Clinic neih a ni dawn a, hetah hian Doctor, Spcialist paruk an lo kal dawn a chung mite chu:
    1. Thomas Zomuana     -    Surgeon
    2. Lalhmangaihi    -    Naupang Specialist
    3. Lalnunthara    -                   “    “
    4. Lalhmingmawii    -    ENT
    5. Laldina    -    ENT
    6. Valtea    -    Radiation(Cancer).
   
    Sd/- Chairman,
    Celebration Committee. 

 

PPP mode
    Bawlhhlawh paihna atana Section tin ten Public Contribution kan khawnte aranglama theh lut  turin kan in ngen e.

    Sd/- Secretary
    PPP Mode.

Bô zawnna
    Damveng leh Venglai inkarah ka pawisa cheng sangthum vel ka tibo a, a chhar chuan khawngaih taka min pe leh turin ka ngen a che u.
- Biakthansanga
Damvea Sec.
 

Tar fel leh ta
    Hlimen leh Melthum inrinaah ‘Welcome to Hlimen’ Signboard mi kut hlei ten an lo tih chhiat chu siam\hat niin Local Council ten Dec. ni 28, 2012(Zirtawpni) khan an tar fel leh ta a, a venhim hi veng mipuite mawhphurhna a ni tih i hre \heuh ang u.

Join action committee
    Kumin, kum 2012 krismas vuakvetah ruihhlo avanga buaina leh mipui ti ralkhel zawnga chet lakna a tlem thu ah JAC chuan lawmthu a sawi a. Kan hma lawk kumthar hmuahna leh lawmna hun kan hmachhawn leh turah pawh chhawm nung zel turin JAC chuan veng mipui te a ngen a. Hetih laia mipui tiralkhel emaw buaina siam leh ruihhlo zuar man te erawh an phu tawk hremna an hmuh theih nan hmaa la zel dawn a ni.
Sd/- Secretary
JAC, Hlimen  

Lawrkhawm :

Krismas ruai
    Kumin kum 2012 Krismas chu kan lo hmang zo leh ta reng mai a. Vengchhunga Krismas ruai \heh dan leh senso hriat theih chin chu hetiang a ni:
1. Hlimen Damveng Kohhran    -    `    35,980/-
2. Salvation Army                     -    `    14,805/-
3. Thlanmual                             -    `    16,500/-
4. Venglai                                 -    `    18,900/-
5. Vengchhak                           -    `    27,900/-
6. Vengthlang                           -    `    28,000/-
7. Huantlang                            -    `    3,905/-
8. Workshop Veng                   -    `    8,500/-
9. Quarry Veng                        -    `    9,000/-
10. Vengthar Kohhran             -    `    10,000/-
11. Isua Krista Kohhran          -    `    23,315/-
12. Asembly Of God               -    `    2,000/-
13. Baptist                               -    `    9,820/-
14. UPC Hlimen                      -    `    6,350/-
    The Salvation Army, Hlimen Corps te leh Isua Krista Kohhran, Hlimen te chuan kumin Krismas ruai an nawn a ni.

Chhiattawh a chunga lawmthu
    Kan unaupa Zoengmawia’n Dec. ni 26, 2012 a min boralsan chung changah khawtlang nu leh pa, nula leh tlangval te in mi lainatna leh min tawrhpui zia kan hmuh hian a mal malin inchungah lawmthu kan sawi seng lova, engkim kan tih ve ngai lova min buaipuina ahte inchungah kan lawm tak zet zet a, he chanchinbu kaltlang hian in chungah lawmthu kan sawi tak zet zet a ni. Kan chunga in \hatna te kei ni’n rul theilo che u mah ila Pathianin a let tam takin a rul ang che u tih hi kan ring tlat a ni.

    I khawngaihna dawngtu,
    Zothanmawia te chhungkua
    Venglai Hlimen

I hre duh em ?
1.    Record a kan chhut danin kum 2012 January a\anga Dec. 2012 chhung hian mi 17 Hlimen khawtlang chuan kan sun tawh.

2.    Hlimen hian V/C a neih hmasak ber kum chu 1954 ah a ni. Village Council hi vawi 18 thlan a ni tawh a. Tunah hian Local Council vawi 1 na kan khawtlang roreltu tur kan nei mek bawk.

3.    V/C 18 in Hlimen ah rorelna an nei tawh a, Local Council in vawi 1 na an hmang mek bawk a. Khawtlang roreltu ten khawtlang tana an sum hmuh leh hmanral dan mipuite hriat theih tura puanzarna tuna Local Council ten an neih hi a vawi khatna a ni. hei hi thil awm ngailo a ni a. A zahawmin an fakawm i ti ve hle lo maw.

Ruihhlo
    Ruihhlo hian khawtlang nunphung hi ati buai thei hle a, JAC Duty te hian man tumin \an la hle \hin mahse, an hmu fuh thei \hin silo, a ruiho lah hi mimawl apiang an  rui buaia, an thawma na bawk a, mifing leh changkang apiang an rui pawh a changkang niin a lang.
    Khawlaia rui \e vak vak chingte in lar sek ho te hi mifing leh changkang hmuh tur an vang hle. Kumhlui thlah zan kan hman leh turah pawh hian mi mawl leh mifing an hriat hran leh dawn a ni.

Page-4

Keimahni :

Hlimkhawpui budget
    Hlimkhawpui December thla Budget  pe tla tawhte:
1.    Vawmphunga Sec.    2. Buala Sec.
3.    Damvea Sec.

Committee hun sawn
    Kum 2013 YMA Hlimen Branch Executive Committee Dec. ni 27, 2012(Ningani) zan dar 6:00 koh chu rokhawlhna avangin January ni 4, 2013 (Zirtawpni) zan dar 6:00 ah sawn a ni. Hriattirna lehkha inpek a nih dawn loh avangin heihi hriattirna a ngaih tur a ni a. A hmun atan YMA Hall a ni e. 
Sd/- Secretary

Central Y.M.A thuthar
    Kumhlui thlah nan leh kumthar lawm nana halpuah leh halmawi kan hal ngai ta lo hi Central YMA chuan lawmthu a sawi a. Kumin pawh hian halpuah leh halmawi hal lo turin kan inngen nawn leh a ni.
    Kumhlui thlah zanah Concert ropui tak khawpui chhung hmun 6 ah neih tur a ni a. Zan dar 11:00 - Zing dar 1:00 chhungin neih a ni dawn a. Kal duh leh chhim duhte chuan a hnai ber Kulikawn ah kal mai tur a ni a, zaithiam lar tak takte an che dawn a, duh tawkin i lam thei ang.

Puan pe
    Pu Zoengmawia tuamna puan chu a chhungten Branch YMA-ah an rawn pe. Heng puan dawn te hi \angkai taka hman \hin a ni.

Ralna tling khawm
    Dec. ni 28, 2012(Zirtawpni) zan khan Pu Zoengmawia  ralna hun  neih a ni a, hemi huna YMA member ten ralna an kenkhawm chu ` 2520/- a ni.     He ralna pawisa tling khawm hi  Pu Zoengmawia chhungte hnenah hlan nghal a ni.


Chhiartute ngaihdan :

@@    Hei, englekhawle kan veng/khua  kum 200-na lawm tumin kan inpuahchah mek chu a ni a, tiang taka khua/veng upa hi Mizoramah a tam lo hle. Chuvangin kan mizia te , faina kawngah te, in \henawm khawvennaah te , \anrualna kawngahte hmasawnna rahbi thar min thlentu ni thei se ka va ti em.. Tin, Veng dangte tan pawh zahtlak lehzual kan nih theih nan infiamna kawngah te, zirna kawngah leh mahni zawn \heuhva eizawnna kawng hrang hrangah hmasawn zel i tum ang u te ka ti ve mai mai....Khaw upa nih hi engtiang chiaha  hlu leh ropui nge anih tih chu nangmahah(Keimahni) a innghat a ni dawn lawm ni...??
-Mr. J. Hlimen.
@@    Kan nghahhlelh em em \hin hunpui chu kan hmangral leh ta reng mai. Insual leh thawm bengchheng uchuak lutuk Veng laili a kan hre lote kha a lawmawm hle mai. Kum dangah te kha chuan Halpuah, Bomb, halmawi etc.. nen hlawkna engmah awm si lovin sum tam tak kan khawhral a. Kuminah chuan khawtlang hruaitute min ngenna kan zawm \hat vang a ni.  Amaherawhchu zanlai pelh tawh pawha hmeichhe tleirawl tê tê leh rawlthar thawm hriat tur a awm deuh reng mai a, ngaihtuah a tithui khawp mai. Veng dang mi/naupang an lo nih chuan tih theih a awm vak lo mai thei, kan tu leh fate an lo nih palh hlauh chuan kumhlui thlah zan leh kumthar kan hman leh tur atan \an i la thar ang u.
- N.Zonunmawia
@@    City Area chhungah rankhuahkhirhna dan hi engtik lai pawh a ding reng a ni si a, kan vengah Ui chhuah lui ngat ngat an la awm fo mai hi khawtlang pawisak lohna lian tak a ni i ti ve lo maw,Pu Editor??             - Ui Ninga

Chawhchawrawi :

Hlimen local council audit report
    Dec. ni 28, 2012 khan Hlimen Local Council Accounts Head hrang hrang panga Viz :-
    1. General Account.    2. PPP Mode Account.
    3. Tui Comtt. Account.    4. Watershed Comtt.  Account.
    5. VLWS Account te sum hmuhna leh hmanral dan te Audit (Endik) a ni a, Head pakhat, Village Sanitation Account erawh Account vawngtute lam remchan lohna avangin Audit hrih loh a ni.
    Period  of Audit  March- 28th Dec, 2012.
    Hetiang hi a chunga Head panga sum dinhmun chu a ni :

Slno.    Head                    Reciept       Expen.      Bal
    1.    Gen. Account        202506    100486    102020
    2.    PPP Mode            140910    134860    6050
    3.    Tui Comtt.               44822    41599    3223
    4.    Watershed Comt.     41610    41051    559
    5.    VLWS                     40000    40000    Nil
    Local Council Account te hi an vawng felfai \ha hle a, sum bo thlau leh rinhlelhawm a awm lova, a lawmawm takzet a ni. Pawl hrang hrang te pawh hian Local Council ten langtlang jtaka an Account te an puang zar hi entawn ve atan a \ha khawp mai.
    
    Sd/- Duhthusama    Sd/- Ro\huama
    Auditor    Auditor
    Hlimen, Damveng    Hlimen, Vengthlang.

Pawlthlak thla Ni 22, 2012..Issue 51

Page-1

Tualchhung :

Damlo : Lalremruatkima S/o Lalbiakliana, Saichhuma Sec. chu hritlang awmnâ natna avangin Thenzawl Hospital a\angin Aizawl Civil Hospitalah Dec. ni 20, 2012 khan admit a ni. |hat lam a pan zel niin thu kan dawng.

Naunei thar : Pu R.Lalchhandama leh Pi Zothanpuii te nupa, Buala Sec. a mite chuan Dec. ni 17, 2012(Thawh\an) zan khan Civil Hospitalah fapa duhawm tak an nei thar.

@@     Pu Lalduhsanga leh Pi Lalnunsangi te nupa, Vawmphunga Sec. a mite chuan Dec. ni 19, 2012 khan an fa 4 na atan fanu duhawm tak Kulikawn Hospital-ah an nei thar.

@@     Pu F.Remruatkima leh Pi Lalremtluangi te nupa, Saichhuma Sec. a mite chuan Dec. ni 20, 2012 khan Hlimen Urban Health Centre ah naute mipa duhawm tak an nei thar bawk.

Street light : Local Council hmalakna in Section hrang hrangah Electric Street Light siam mek a ni a, chhunzawm zel tum a ni.  Mahse, kan power supply voltage a hniam deuh \hin avangin Street Light siamte pawh eng zolo a tam hle a, mipui ten hriatthiam a \ul hle. Tin, Section ten hnatlanga hnathawktute in lo puihna ah Local Council chuan lawmthu a sawi a ni.

Kawtthler chei : Damvea Section chuan kumdanga an lo tih tawh \hin angin kuminah  pawh Damveng kawn mawi takin an chei leh a ni.

Carol nei : Tunlai hian vengchhunga kohhran hrang hrang \halaite chuan Carol an nei thin a, Hlimen Presbyterian \halai pawlte chuan kum 2013-a Aizawl chhim Presbytery an thlenna tur atana sum senso phuhruk nan an nei a ni.

Pawisa hlan : Dec. ni 20, 2012(Ningani) zan khan Aizawl SP a\angin krismas vuakvet laia duty te senso atan ` 576/- JAC duty te kutah an rawn hlan a. Tin, Dec. ni 21, 2012(Zirtawpni) khan Local Protection a\angin ` 1000/- an dawng bawk.

Front :

Y.M.A HRUAITU TURTE TIHFEL A NI TA

     Kum 2013 chhung atana Hlimen Branch hruaitu atana thlan mi 6 te chuan Dec. ni 18, 2012 (Thawhlehni) zan khan nihna insiamremin Charge an inhlan nghal a, hetiangin :-
            President    :    Pu Lalhmuchhuaka
    Vice President    :    Pu Vanlaltluanga
            Secretary    :    Tv. R.Lalawmpuia
    Asst.Secretary    :    Pu Lalrinmawia
            Treasurer    :    Pu Lalthantluanga
      Fin.Secretary    :    Pu Robuanga

    Heng O.B. thar te hian kum 2013 chhung atan Adviser leh Exe. Committee Member turte an ruat nghal a, hetiangin :-
Advisers    :    1. Pu Duhthusama    2. Pu Pakunga
Exe.Committee Members :
1. Pu Lalchhankima    2.    Pu Lalrinchhana
3. Pu Vanlalzawna    4.    Pu Lalchhantluanga
5. Tv. Lalthlengliana     6.    Pu Lalvulliana  
7. Pu R.Lal\anpuia    8.    Tv. R.Lalrindika  
9. Pu Zoramhmangaiha    10.    Pu F.Laltlanmawia    11. Tv. J.Vanlalbiakdika    12.    Nl. Zochuanpuii    13. Nl. Lallawmkimi    14.    Pu Lalhmunsiama    15. Pu Zolianchhunga    16.    Pu Zairemthanga    17. Pu Lalremthanga    18.    Pu Lalchhuanawma    19. Pu Lal\anzuala    20.    Nl. Lalroliani  
21. Nl. Zairemmawii    22.    Pu Vanlalliana    23. Pu V.Thanchhinga    24.    Pu R.Lalbiakmawia    25. Pu R.Lalremsanga    26.    Pu F.Zosangzuala    27. Pu Laltlankima  
28. Pu Samson Zorammuana

Ex. Officio :-    1. Pu R.Lalngheta, Treasurer CYMA
    2. Chairman Hlimen Local Council
    He Committee thar hian kum 2013 ruahmanna kumthar Committee neih hun atan Dec. ni 27, 2012 (Ningani) Zan dar 6:00 an ruat a, a hmun YMA Hall a ni ang.  Committee Member leh Adviser leh Ex-Officio Member ten ngaipawimawh tura ngenin thei lo turte chuan Secretary hnenah in hriattir nise an ti a. Tin, Committee Member atana ruatte theilo tur/phá chuan arang lama in hriattir thuai turin an ngen nghal bawk.   

Page-2

Editorial :

NGENNA LEH LAWMTHU

    Pathian leh mipui \anpuina avangin tluang tak leh \hatakin ( Hlimkhawpui Weekly News) kartin chanchinbu pawhin kum 2012 kumtawp (krismas) chu a lo thleng ve leh dawn ta reng mai.
    Hlimkhawpui Weekly News min hlutpui a chhiar \hin zawng zawngte leh thurawn \hatak min petute leh thu leh hla \hatak rawn thawh \hin tute chungah Hlimkhawpui Editor & Staff te chuan lawmthu kan sawi mawlh mawlh a ni e.
    Tin, Hlimkhawpui hi kumthar lamah pawh Pathianin rem a tih chuan  kalpui zel tum a ni a. Kan hriat \heuh angin Hlimkhawpui Weekly news chanchinbu in a a thiltum leh a hnapui ber chu khawtlang hmasawnna tur leh mipuite kan inpumkhatna tur a theihtawp a hmalak hi a ni ber a. Chutiang anih theih nan  chuan chawimawi phute chawimawina thu leh lawmthu hrilh ngaite lawmthu hrilh nan. Tin, khawtlang tihming\hatu, zirna a mi hlawhtlingte fak leh chawimawi nante hman \hin a niin, khawtlanga thilthleng thar kan hriat theih chin chinte inhrilh nan he chanchinbu hi hman \hin a ni a.
    Tin, damlohna avanga damdawiin (Hospital)thlen ngai chinte leh naunei tharte kan hriatphak chinte pawh tarlan \hin a ni bawk. Hetianga tualchhung chanchin a chhia,  a \ha, kan inhrilh tawn theihna anih avang hian he chanchinbu hian faktu leh hlutpuitu pawh angah phah hle in alang.
    Kumthar 2013-ah pawh hian \angkai zawk leh changtlung zawka he chanchinbu hi a kal zel theih nan chhiartu zawng zawngte hnenah in mi thawhpuina leh remhriatna leh finna rawn thawh zel turin kan ngen che u a. In mi thawhpui tawhna zawng zawngah lawmthu kan sawi a, hun lokal lehzel tur atan he khawtlangin hmaa lo sawn a, he chanchinbu hian a hlutna te a lo zual zel theihna turin chhiartute in mi \awiawmna kan ngen takzet che u a ni. A tawp berah chuan Hlimkhawpui chhiartu zawng zawng te krismas hlim taka in hman theihna turin kan duhsakna hlan chungin chibai kan buk che u a ni. 

Ziaktute huang :

   LPS SAMARI MITHA LEH HLIMEN YMA TEN TANPUINA PE

- Lalhmuchhuaka
President Br. YMA
  
    Krismas hunpui a lo inher a, mi mangang leh harsate tan hun lawmawm a nih laia lungngaihna hapta ah a chang thei. Heng hunah hian heng miharsa te hian hlimna leh hahdamna an lo chan theih nan mi \ha, midangte \anpui duhtute an lo che chhuak \hin a ni.
    Kumin ah pawh LPS Samari Mi\ha te chu Aizawl khawpui leh a chhehvelah LPS palaite kaltlangin an che leh ta a. Kan veng Hlimen ah pawh chhungkaw 5 te YMA kaltlangin an rawn pui a. Dec. ni 20,2012 tlai lam khan heng miharsa puih ngaite hnenah hian ` 5,000/- \heuh an rawn hlan a, heng chhungkua te tan hian thil ropui tak a tling. An rumna leh lungngaihna ata Samari Mi\ha te hian an rawn chhanchhuak a ni. LPS kaltlanga Samari Mi\ha te rawngbawlna hian kumin Krismas dawn hian Aizawl khawpui leh a chhehvelah chhungkaw 220 te hnenah \anpuina ` 5,000 \heuh an pe dawn a ni.
    Hetih lai hian Hlimen Branch YMA pawhin chhungkua 8 te hnenah ` 2,000/- \heuhin Krismas thilpek (\anpuina) a lo pe tawh bawk a ni.  Mite \anpui thei a YMA te kan awm hi a lawmawm takmeuh a ni.
    LPS Samiri Mi\ha lo pianchhuah dan pawh hetiang hi a ni :-
    Kum 1½ vel kalta khan LPS Office ah mipakhat tu tih hriat loh hian ` 50,000/- (singnga) kengin a lut tawp mai a,  midangte \anpui nan he pawisa hi a pe a, ‘kei ai chuan \anpui tur in hre zawk ang’ tiin a dah a, a hming a sawi duh lova, ‘Pathian in a hriat chuan a tawk e’ a ti ringawt a ni. Tun thlengin hemi hi tunge a nih tak an hre chuang lo. Hetiang hian amah vek hian a tichhunzawm leh a, midang ten an hria a, an ti ve zel a, amah vek hian tunhnai mai khan ` 100,000/- (nuai khat) a dah leh tawh bawk. Nuam a ti hle a, a lawm hle nghe nghe zel a ni. Heng hming hian LPS chuan a bo a bang awm lovin mite \anpui nan a fehchhuahpui zel a, petu an lo pung ve zel bawk a ni. Heng thilpek petu leh a bul\antu ngei pawh hi mihausa tak tumah an awm bik reng reng lo.
    Pathian hnen a\angin malsawmna kan dawng a, heng malsawmna kan dawn te hi midang harsa zawkte hnena pek ve zel hi a petu Pathian duhzawng tak a ni ngei ang. Kan thil neihte miharsa zawkte tana kan pek hi ringtu tihdan tur Bible in min hrilh chu a ni. Rawngbawlna dik chu pachhia leh hmeithâite an mangan laia kan hi a ni.

Page-3

Hriattirna :

PPP mode chungchang
    Bawlhhlawh paihna atana  Public contribution Section in a khawnte arang lama theh lut tur a ngen kan ni. Tin, Bawlhhlawh hi nilaini leh inrinni apianga khawn a ni a, a hun  leh a hmunah mipuite bawlhhlawh paih turin kan in hriattir nawn bawk a ni e. Tin, PPP sum hi Audit a rang lama neih tur a nih avangin arang lama bawlhhlawh paih man kan khawn te thehlut rang teh ang u.
- Secretary, PPP Mode.

Mipuite hnena ngenna
    Hlimen kum 200 tlin hriatrengna lung phun(Monument) leh Local Council ten bawlhhlawh bawm an hun te hi dimdawi tur leh hmang \angkai turin khawtlang mipuite kan inhriattirin kan in ngen a ni.

Memberte hriattirna
    Kum 2013 YMA Hlimen Branch Executive Committee Member tura ruat thar zawng zawng te, Adviser te leh Ex-Officio te Dec. ni 27, 2012(Ningani) zan dar 6:00 hian YMA Hall-ah Committee tura hriattir in ni a, hei hi kohna hmu lo palhte pawhin kohna anga ngaih tur a ni e.
Sd/- Secretary.

Sim hmak chi
    Krismas hunpui lai denchhena kawngdung cheina (Decoration) Bulb/ Zero Bulh chu zan rei lamah mi awm \haduhlo \henkhat ten in lo la a. Tunchinah chuan sim hmak tawh turin hriattir in ni a, in lo ti leh , manchhuah in nih chuan in chungah engpawh thleng se in sawi buai thei lovang.

Halpuah/halmawi etc khap
    Hlimen Branch YMA Committee  chuan Krismas leh kumthar vuakvet a puak thei lam thil halpuah/hal mawi etc., silai lem a mu kahchhuah theih chite leh halmawi te dawrkai a zuar lo tur leh nu leh pate pawhin kan fate leisak lo turin a ngen tak meuh meuh a ni a. He hunpui lo thleng tur hi midang tana malsawmna thlentu kan ni thei lo a nih pawhin harsatna thlentu ni lo hram turin a ngen tak meuh a ni. 

Lawrkhawm :

Facebook group ten |anpui
    Facebook a  Hlimen \halai fuankhawmna ‘Hlimkhawpui Lovers’  Group Member te chuan kumin Krismas denchhenin miharsa zawk \anpuina tur bawm an dawh a, ` 3,250/- lai ngahin Dec. ni 20, 2012 zan khan pawisa tlingkhawm chu a bo abang awm lovin \anpui tura an thlanchhuah chhungkaw pakhat hnenah an hlan.

Champion lawm
    Dec. ni 21, 2012 (Zirtawpni) tlai khan YMA Hall-ah Aizawl South III huanchhung khaw hrang hrang tan Volleyball Tournament Pu R.Vanlaltluanga’n a buatsaih, Sialsuk khua a khelh zawh takah Hlimen a\angin Mipa leh Hmeichhe team tel ve a ni a, Champion lallukhum an rawn hawn ve ve a. YMA, Local Council leh Game hruaitute chuan lawmpuina neih ngei \ha an ti a, a lawmna hun hetiang hian hman a ni.
    Chairman    :    Pu Lalrinmawia, V.Pre. G&SA
    Hunserh    :    Pu R.Lal\anpuia, Adviser G&SA
    Thusawi    :    Pu Lalhmuchhuaka, Pre. YMA
            Pu Vanlalhruaia, V.Chair. LC
            Tv. C.Lalhmingthanga, Mem.LC
            Pu R.Vanlaltluanga, Trophy tumtu
    He hunah hian thu \ha tak tak- fuihna thute ngaihthlak a ni a, mimal thusawi zawng zawngte tarlan na hmun a awm loah ngai ila, an thusawi ah Infamna hi Pathian thu nen pawh a inkalh loh thute, tin, eizawnna tlak a nih thute leh hlawhtling tur chuan insumtheihna leh tumruhna a pawimawh zia te, tin, infiammi chu nunkawng hrang hrangah an Sport man tur a ni tih thute ngaihthlak a ni. He hunah hian mipa leh hmeichhia player te hnenah lawmthu sawi nan Pocket Money ` 500 \heuh sem a ni bawk. Lawmna inkhawm neih zawh hian hlim takin zanriah kilho nghal a ni.

Table Tennis champion
    6th Aizawl District Table Tennis Championship 2012 khelh zawh takah Nl. Lalmuanawmi D/o R.Lalliantluanga, Saichhuma Sec. chuan Womens Singles Dec. ni 15, 2012  khan Final  khelin , Champion no mawi a rawn hawn leh ta.

Peih fel tep
    Local Council leh Motor lian neitu ten ruahmanna an lo neih tawh Christmas hma a tihfel tura an ruahman Motor dahna (Parking na)  hmun tur chu Central Workshop chhak zawl ah Dec. ni 22, 2012 hian JCB hmanga thenfai tum a ni a. Choekidar tur pawh hi lak fel tawh niin Chrismas hma ngei a motor neitu ten dahna hmun tura ruahmanah hian dah hman ngei rin a ni.

Sum audit fel ta
    Hlimen Branch YMA hnuaia sum enkawl peng hrang hrangte Dec. ni 11, 2012 zan khan Audit a ni a. Audit tura ruat Pu Pakunga leh Pu Duhthusama Adviser ten an Audit a, sum fel taka kawl a nih hlawm avangin Audit tute an lawm hle.

Page-4

Keimahni :

Hlimkhawpui budget
    Hlimkhawpui December thla Budget  pe tla tawhte:
1.    Vawmphunga Sec.    2. Buala Sec.
3.    Damvea Sec.

Damvea Section
    Dec. ni 18, 2012 (Thawhlehni) zan khan Damvea Sec. te chuan Advance Christmas Pu Zakamlova te kawtah kan hmang a. Boruak a nuam hle. He hun min hmanpui tur hian Lalchharliana (Commedian), Thangliani (Icon Contestant) leh Hmangaihtea te kan sawm angin an rawn kal thei a. Nl. Thangliani 'Current' hla a hit hle. Tin, zaithiam tak tak zai ngaihthlak a ni bawk. Committee kalkim mi 19 te chungah leh Hnatlang kalkim mi 2 te chungah lawmman hlan an ni bawk. Arsa sawhchiar tuihnai tak siam niin kan tlai hle. Mi 100 vel kan pungkhawm.
    He hun hlawhtling taka kan hman theih nana Sound System tha tak mai min hmantirtu Tv. Lallawmzuala chungah Sec. hruaitute kan lawm hle mai a, thingpui bawlhlo rawn thawhtu Marindiki chungah kan lawm hle bawk. Tin, phal taka an kawt min hmantirtu Pu Zakamlova te chhungkaw chungah kan lawm em em bawk.
    Sd/- Secretary
    Damvea Sec.

Saichhuma Section
    Venglai kawn chei tum a ni a, Section memberte hruaituten chei hun tura an ruatah \hahnemngai taka thawkchhuak turin ngen leh beisei kan ni a.
    Tin, faina chungchangah chhungtin ten mahni in leh avel vawngfai zui zel turin kan in ngen nghal bawk a ni.
Sd/-Secretary.

Office khar ta
    Central YMA Office chu Dec. ni 21.2012 a\ang khan khar a ni ta a, ni 7.1.2013 ah hawn leh a ni ang.

C.E.C. Meeting thuchhuak
    Dec. ni 19, 2012 Dar 2:00 pm a CEC Meeting chuan kum 2012 Christmas vuakvetah Halpuah & Halmawi hal lo tur leh silai a mu kahchhuah theih chite zuar lo tur leh nu leh pa ten an fate leisak lo turin a ngen a.  Hemi rual hian miharsa \anpuina lamah nasa zawka hma la turin Branch YMA a ngen a. CEC chuan Bethel Camping Centre-ah ei leh in tur \hahnem tak leisak nise a ti a. Tin, damdawi in a awm mek, mahni khua a Krismas hmang thei lote \anpuina Krismas Present pek nise a ti bawk.
    Tin, kumhlui thlah zanah dar 11:00 a\anga zing dar 1:00 inkar chhungin Aizawl khawpui chhung hmun 6 ah Sorkar nena \ang dunin Concert a buatsaih dawn a, kan Area ah chuan Kulikawnah neih tur a ni. A chhim duh tan chhim theih a ni. Zaithiam lar tak tak ten hun an hmang  dawn a ni.


Chhiartute ngaihdan :

@@    Hunpui (Christmas) chu kan lo thleng leh dawn ta reng mai, hlim taka hmang tur pawhin inbuatsaih ila, amaherawhchu kan lawm danah nunâu tiralkhel lo zawngin ni thei hram se. Khawtlang hruaitute zilh hauh ngai leh Police kuta inhlan ngai khawpa awm te hi thil \ha ber a ni hauh lo tih vawng tlat ang u. Lirthei neite leh khalhtute pawhin midangte veng thiam ila. Kohhran inkhawm lengkhawm tana bengchheng lo zawng leh mu tawhte tana ninawm khawpin kan lirtheite tivu vak vak lovang u.

- N.Zonunmawia

@@    Sawrkar Deptt. lamin Hlimen ramri feltaka min siamsak, mipuiten ramri an hriat theihna tura khawtlang hruaituten ramri chhinchhiahna an tar, sum tamtak senga an lo buaipui, khawte zawk a mi \henkhatten an ti chhe fo mai hi kan khawtlang hruaitute hian Action an la ngam lo nge..an va ngawi rei ta ve. |halai lungawilo an tam si a, \halai thinur lutukte an insum zo lovang tih a hlauhawm hle mai. Thil duhawm lo athlen hmain khawtlang hruaitute hian hma han la vat se ka va ti ve.

-Veng hmangaih em em  tu, Tluanga pa.

Chawhchawrawi :

KRISMAS LEH KUMTHAR THUCHAH

    Kristiante hunpui Krismas leh Kumthar lo thleng tur hi, hlim leh lawm taka hman a nih theih nan, Central YMA chuan mi zawng zawngte hnenah duhsakna chibai kan buk a che u. He hun pawimawh tak hi mi tinin thlamuang leh hlim taka hman a nih theih nan, a hnuaia hmalakna tur tarlante hi Branch tinin bawhzui turin kan ngen a ni.

    1.    Krismas leh Kumthar hi mi tinin hlim leh lawm taka hman a nih theuh theih nan veng chhungah mi harsa, damlo leh mulum zo lo an awm em? tih dapchhuakin chutiang mi an awm a nih chuan a theih leh remchang anga chhawmdawla tanpui ni se.

    2.    He hunpui hi thlahlel taka mi tinin kan nghah theuh a nih avangin mi dangte tana tawrhna thlen thei, Silai lem (Inhliam theihnate), mite tithlabar theitu Halpuah chi hrang hrangte zuar lo tur leh lei lo turin mi zawng zawng kan ngen a ni.

    3.    He hunpui hi thalai leh rawltharten nunkawng sual an chhar thar hun lai leh kawng tha lo pawh an zawh tan hun a nih thin vangin, Puitling tel lovin zanah naupang khawlaiah vah chhuah tir loh ni se. Naupangte thlahthlam lo turin chhungtinte kan ngen a ni.

    4.    Boruak muanawm tak hnuaiah he hunpui hi kan hman theuh theih nan Branch tinin mahni huam chhungah Duty insiamin mi tha leh pawisawilote rilru tina lo zawnga hawihhawmna lantir chungin neih ni se. YMA Kumpuan Ram leh Hnam Humhalh bawhzui zelin Mimal, chhungkua leh khawtlang tibuaitu te a bikin Ruihhlo khuahkhirhna kawngah theihtawpa hma la turin Branch-tinte kan ngen a ni.

    5.  YMA duhdan leh beiseinate hi a hlawhtlin theih nan Sorkar, Tlawmngai Pawl, Kohhran hrang hrang leh mipuite tawiawmna kan ngen a ni.

Issued By : Central Young Mizo Association, Mizoram, Aizawl.

Pawltlak Thla ni 15, 2012.. Issue 50

Page-1

Tualchhung :

Damlo : Pi Laldawli, Kapdaia Sec. a mi chu a chhul bawk zai a nih avangin tunah hian Civil Hospitalah enkawl mek a ni.

@@ Pu R.Lalrinawma, Damvea Sec. a mi chu a hnungzang ruh chawr Dec. ni 12.12.2012 khan Durtlang Hospital-ah zai a ni a, tunah Hospital lamah hian enkawl chhunzawm mek a ni.

Naunei thar : Pi Lalhriatpuii, Kapdaia Sec. chuan a fa pahnihna atan chuan fanu duhawm tak Hlimen UHC ah a nei thar.

Tuakthar : Laltlanchhunga S/o Pu F. Lalhmingliana, Buala Sec. leh C. Laltlanhlu-i te chuan Dec. ni 12, 2012(Nilaini) khan kumtluanga nupa ni turin tiam tlat e an ti.
 
@@     Jonathan Malsawmtluanga S/o Pu Lalrintluanga Buala Sec. leh Vanlalnghaki D/o Lalhmachhuana Vawmphunga Sec. te chu Dec. 11, 2012 (Thawhlehni) khan an innei.

Khiangawi : Lalhmangaihzuali D/o C. Laldingliana, Kapdaia Sec. chuan Dec. 13, 2012(Ningani) khan Lalmuanawma, Zuangtui tawnah khiang min awih san ta.

Rawng hnawih : YMA Hall chhung leh Hlimkhawpui Office chu rawng hawih zawh a ni ta a. Hall chei \hat ngai laite pawh chei \hat a ni. Tin, Plastic Arm-chair 70 pawh chhinchhiahna siam a, number pek fel a ni ta bawk.

Bawlhhlawh bawm dah : Village Health & Sanitation Committee te chuan vengchhung hmun hulum deuh laiah bawlhhlawh bawm Plastic (Sintex) tha tak tak 4 an dah thar a. A dahna hmun hi Brick in \ha takin siam a ni. Mipui ten i dimdawiin i hmang \angkai thiam ang u.

Streetlight siam dawn : Zan lama khawlai thim lutuk avanga khawlai hrehawm em em \hin chu ngaimawhin Local Council te chuan zan lama chhit tur Electric Street Light Fit mai theih engemaw zat Deptt. a\angin an hmu a, tun a\anga reilote ah zan lamah khawtlang chu a engut theih tawh beisei a  ni.

Front :

BRANCH HRUAITU THAR NEI TA

     Dec. ni 14, 2012 (Zirtawpni) zan khan YMA Hall-ah kum 2012 a Young Mizo Assosiation Branch hruaitu tur thlanna hun neih a ni a, he inthlan hi R.O Pu Pakunga, Adviser kaihhruaina hnuaiah tluang taka neih a niin kum 2013 chhung a Hlimen Branch hruaitu tura Member ten an thlan chhuah te chu heng mite hi an ni:

    1. Lalhmuchhuaka,  Buala Sec.
    2. Lalrinmawia,  Saichhuma Sec.
    3. Lalthantluanga,  Vawmphunga Sec.
    4. R. Lalawmpuia,  Saichhuma Sec.
    5. Robuanga,  Buala Sec.
    6. Vanlaltluanga,  Vawmphunga Sec.

    Heng thlanchuah mi paruk te hi Office Bearer tura  thlan chhuah te chu an ni a. Heng mite hian R.O hovin Post an in siam rem leh dawn a ni. He inthlan zan hian YMA Member zat a\anga thlirin thlangtu Member kal induhthawh a na hle. Member ni ve si, mahni hruaitu tur thlan nachang pawh hre lo khawp a khawhawi tawi lutuk kan tam lutuk erawh a pawi \hin hle.

    Member kalte erawh kan hlim tlangin hun  kan kham lo hle. Nula Gospel Lalruatengi Buala Sec. leh Nula Zomuankimi ten kalkhawm te zai mawi takin min awi bawk.

    Tunah chuan hruaitu tharte thlang felin 2013 a min hruaitu tur kan nei ta a, heng kan mi thlanchhuahte hi mi fel leh fing ber ber te an ni bik lova. Tin, hna tak tak thawk turin an mahni O.B mai chuan an thawk seng bawk hek lo. Hruaitu \ha leh chak fel leh fing neih a, khawtlang te hi nuamin changkang se kan tih chuan a thlangtlingtu member ten kan \awiawm \hat a, thurawn \hate kan pek a pawimawh hle dawn.Member tam takte chuan hruaitu tur kan thlangchhuak te te a, kan \awiawm peih lo mai bakah an chetchhiat namenlo in kan dem leh mai \hin. Chutiang kan chin chhung chuan hruaitu \ha leh chak Hlimen hian kan nei ngai lovang. Mi veng hruaitute an \ha, khawtlang a changkang, a nuam kan tih chhan pawh hi a chhan chu hruaitu thlangtu Member leh mipui ten hruaitu an thawhpui \ha a, an thu an awih vang mai a ni. Keini pawh YMA hruaitu \ha leh chak fing neih kan duh a nih chuan an rorelte zahthiam a thawhpui thiam hi a tawkin a \ha hle a ni.

Page-2

Editorial :

HUNPUI TUAR LO TAM

    Hnamdang zingah te hian an awm ve \hin ange maw? A bikin \halai zingah hunpui tuar lo kan tam thei \hin hle.  Khawtlanga kan mi rawn tak tak leh kohhran pawhin rawngbawlna lama rawih tlaka ngaih, rawngbawlna peng pawimawh tak chelhtu zingah te. Tin, YMA  lamah pawh mifel leh \angkai tak tak zingah te, Branch ah leh Section thleng a mi \angkai tak zingah te thlengin hunpui tuar lo kan tam thei \hin hle. Puipunna hmuna lo rui duh mai te, Inneih nikhua a ruih mai hreh miahlo te \halai zingah kan kat ta sup mai. Hunpui hi chi hrang hrang  kan nei a, tun\uma ka’n sawi duh bik chu krismas leh kumthar hunpui bik hi a ni a,TUAR LO kan tam zual em ni aw ka ti \hin.
    Heng kan hunpui Krismas leh kumthar  lawmna vuakvetah hian \halai zingah kohhran rawngbawlna peng pawimawh chelhtu ni reng si a, ruih ve mai chingte Branch YMA -ah leh Section ah te \angkai leh fel nih hlawh tak tak , ruih ve mai hreh hauhlo te kan kat ve tak nuk zel mai.  HUNPUI TUARLO kan va tam em. Heng hunpui tuarlo kan tih hi mipa chauh an ni lo, kan hmeichhia ho pawh an bang biklo tlat. Hmanlai chuan hmeichhia ruih ching chu vawkpui aiin ngaihsan an hlawh chuanglo tih a ni \hin.
    E, puitling chauh pawh an ni lo. Kan tu leh fa, naupang chhe en a kan en  ho; kum pawh la tling lo, hmeichhia leh mipa te pawh heng hunpui bik krismas leh kumthar  lawmna vuakvet hi Zu in\an nan te, ngaihzawng neih \an nan te an hmang fur zel \hin.  Febuary thla a\anga November thla thlenga khawtlang leh kohhran  tana mi\angkai leh biakrawn hlawh. Tin, kan tu leh fa , a hmei a pa duat taka kan en, kan hauh phal ngailohte pawh November a ral meuh chuan kan rin phak bakin  mipat hmeichhiat sualna in a chiah thuk \hin. Kristian rawngbawltu \hatak \ha leh fak hlawh tak  2012 krismas 2013 kumthar lawmna hi chutiang anih loh nan nu leh pa te kan fate tan in sanphek a va \ul em.   

Ziaktute huang :
   

A  AW  B

- Mapuia, Dam veng.

       Tunlai chu ka rilruah hian awma awm ve deuh reng mai \hin a. Kan \halai \hangtharte hi kan \awngkam hmanah hian kan inthlahdah hle tawh a ni. Facebook-ah tak ngial pawh thusei deuh Post chu kan chhiar peih tawh lo a, kan \awngte hi a Short Form in kan dah a, kei chu Alphabet awmze neilo Word tling ve tho si te pawh a ang ka ti.
    Tin, a bakah kan thatchhe tawh em em a. SMS thawn dawn tak ngial paw’n nutling, patling pui pui paw’n ‘chuan’ tih aiah te ‘ cuan’ te kan ti a. ‘Nia’ tih aiah te ‘nya’ , Z aiah te ‘X’ leh ‘J’ te kan hmang leh daih \hin. Pa pakhat chuan hetiang anga Type SMS a dawng a, a chhiar thiamloh avangin atan chuan Message awmze neilo a ni ta a ni. Kan \awng tualleng pawh hi ngaihtuah chian a\ul tawh hle in ka hria. A chhan chu \awng diklo hi kan \awng tak emaw kan ti ang tih ahlauhawm khawp mai. Sap \awnga ‘ OK’ tih hi an sawi dan chuan, tunhma chuan \awng lerh satliah a an ngaih a kha tunah chuan an \awng pangai a lo chang ta a ni. Keini pawh hi  ngaihtuah ve tham fe chu a niin ka hria. ‘Paih’ aiah ‘Peih’ kan hmang a, ‘ lo paih lawk teh’ tih turah ‘lo peih lawk teh.’ kan ti thul. Tin, ‘mai’ aiah ‘mei’  kan hman te hi kei, sim chi niin ka hria.
    Vawiin in ‘zing’ a nei lova, tukin chuan ‘zing’ a nei. Chutiang bawkin vawiin in zan a neilova, tlai leh chhun a nei. Zan kan sawi dawn chuan ‘in’ tih zawk tur ani. Kan Mizo pipu te chuan tuk\huan leh zanriah an ti mai a, tunlai \hangtharten ‘zingchaw, tlai chaw’ an ti \hin hi chu a ngaimawhawm a ni.
    Tin, tunlai kan chin awmze neilo ni a ka hriat chu ‘a hmelchhe \ha’ tih hi a ni. Hmelchhia leh hmeltha sawi pawlh chi a ni lova, kan sawi kawp duh anih chuan ‘a chhia, a \ha’ tih zawk tur a ni. Ka sawi leh duh chu ‘tatu’ tih hi a ni. ‘Tatu’ tih hi a dik lova, neitu tih zawk tur a ni. Tin, ‘chalhma- sam’ kan tih hi a dik lova, chal chu hmalam a awm a ni a. ‘Hma’ kha paih tur a ni. Chalsam tih rikngawt mai tur a ni.  ‘Sam met’ tih hi a dik lova, ‘lumet’ tih zawk tur a ni. ‘Met’ chu tichhum tihna aiin tifai tihna a ni zawk a. Chuvang chuan ‘sam met’ ti lovin ‘lumet’ tih zawk tur. A chunga ka’n sawi tak zawng zawng te hi kawngkhat tala in hlawk ka duh sak a che u.

Page-3

Hriattirna :

  

BI-CENTENARY CELEBRATION COMMITTEE THUREL

1) Bi- Centenary lawmna runpui  atan nakum March ni 29-30 ruat a ni.
2) Bi- Centenary lawmna chikhat atan Calendar siam tum a ni a, chhungtinte lei turin an beisei ani.
3) Tin, Bi- Centenary Celabration hnuaia Sub- Commtt. hrang hrang ten Dec. ni 16, 2012 (Pathianni) chawhnu inkhawm banah YMA Hall ah thlalak tur a ni a, Sub- Committee member ten i ngai pawimawh ang u.

NGENNA

    Dec.16, 2012 ( Pathianni) zan hian Hlimen kohhran Biakinah Aizawl South Area Mashi Sangati Advance Christmas Carol Service Programme neih a ni dawn a, tlai dar 5:00-10:00 in kar hian Biakin leh Upa Rualkhuma in inkarah Motor dahlo hram turin kan in ngen a ni.
        Sd/- Secretary, Masihi Sangati.
        Hlimen Fellowship.

SIM LOH CHUAN A PAWI ANG

    Tunlai hian ram lama mi huan thlai hmuna kala, mi thlai ruk ching in awm a. Pu Thansanga leilet hmun a thlai hmun siamtute An\am etc. pawh laksak ching in awm a. Enthlatu tur siam a ni dawn a. Manchhuah in nih chuan a pawi thui hle ang tih thudawnna chuan a sawi.

DIMDAWI ILA

    Bi-Centenary Monument Mualzawl sira siam chu  hmelhem mai thei a nih avangin dimdawi thiam tur leh a bul vela naupang ninhlei te pawh khap thin turin ngen kan ni e.

 

 Lawrkhawm :

Aizawl South-III Champion Hlimen
    Aizawl South III Constituency Volleyball Tournament Sialsuk G& SA buatsaih,   Dec. ni 12, 2012(Ningani) a Sialsuka  neih zawh takah Hlimen a\angin hmeichhia Team leh mipa Team te tel ve ve in, Champion Lallukhum an rawn hawn ve ve a,  mipa Team hian final-ah Sialsuk Straight-in an hneh a, hmeichhia Team hian Straight bawkin Chamring an hneh bawk a ni. Infiamna lama Hlimen tihming\hatute hi Hlimkhawpui Editorial Board te chuan chhuanawm kan va ti em..

Bi-Centenary monument hawn a ni
    Hlimen kum 200 tlin lawmna lungphun ( Monument) chu Dec. ni 14, 2012(Zirtawpni) zing dar 7:00 hian Pu K. Liantlinga MLA chuan a hawng. He hawnna Programme hi Pu Vanlaltluanga, Vice President Hlimen Branch YMA chuan a kaihruai a, Rev. Vanlalvena’n hunserh a hmang bawk.
    Hlimen khua hi kum 1812 khan Sailo Lal, Lalsavunga’n a lo din a; Hlimen hi Lal te :- 1) Lalsavunga 2) Thawmpawnga 3) Kapdaia leh 4) Buala ten an  lo thut tawh a ni.
    He Monument hawngtu Pu K. Liantlinga hi a pu te atanga Hlimen khua a lo awm tawh a nih vanga he Monument hawng tur a ruat hi a ni. Tin, Hlimen Lal hmasa ber Lalsavunga tuchhuan Pu Lalrengpuia Sailo leh a chhungten Sial lâm Dar an tum bawk.
    He Bi- Centenary runpui hi nakum March , ni 29-30, 2013 ah neih tum a ni.

Table tennis tournament-ah
    6th Aizawl District Table Tennis Championship 2012 khelh zawh takah Nl. Lalmuanawmi D/o R.Lalliantluanga, Saichhuma Sec. chu Womens Singles ah Final a lut a, Dec. ni 15, 2012 hian Final a khel a, he thu buatsaih lai hian thuchiang hriat hman a ni lo. A champion ngei kan beisei hle.

Tanky siam hna thawk |an ta
    Hlimen a PHED Tanky chu Concrete (CRC) a siam turin hna an thawk tan ta a. He tuikhuah hi PHED hnuaia Project pakhat SIPMIU sum a\anga siam tur a ni a, tuikhuah hi a biala siam tur niin kan thu dawnna chuan a tarlang bawk. Tunah hian a chhuat CRC a chhun mek a ni a. An hnathawh te kan \awiawm a, kan dimdawi thiam a pawimawh awm e.

Page-4

Keimahni :

Hlimkhawpui budget
    Hlimkhawpui November thla Budget  pe tla tawhte:
1.    Buala Sec.    2. Kapdaia Sec.
3.    Vawmphunga    4. Damvea Sec.
5.    Lalsavunga Sec.    6. Saichhuma Sec.
    Vawmphunga Sec.  Buala Sec. ten December thla Budget an pe tla tawh bawk.

Kapdaidaia Section
    Kapdaidaia Section te chuan Dec. ni 13, 2012 (Ningani) zan khan Advance krismas hlimtakin an hmang a. Hemi zan hian harsatna avanga Krismas hmang \ha theilo te ten hlimtaka an hman ve theihna turin \anpuina tur thilpek an la khawm bawk a ni.
    Zawngchhang thlak an tiin Member kal te zawng zawng chungah Section hruaituten lawmthu an sawi a ni.

Branch Y.M.A. ah pe
    Pu R.Lalrammawia te chhungkua Buala Sec. a mite chuan an fanu Zothantluangi (Tluangpuii) damlohna avanga an harsatna-ah Pathian leh khawtlang mipuite lainatna leh khawngaihna an dawn avanga dam taka an awm leh tak avangin khawtlang mipui leh Pathian chungah an lawm hle a. Tluangpuii damlohna avanga \anpuina an dawn a\angin lawmthu sawi nan ` 5,000/- mi harsa \anpui nan Branch YMA ah an rawn hlan a, YMA hruaitute chu an chhungkaw chungah an lawm hle.

Damvea Section
    Damvea Sec. ten Krismas denchhen a kawngpui dung kan chei mekah Pu C.Lalzuiliana chuan ` 200 rawn thawhin Pu F.Zosangzuala chuan ` 500 a rawn thawh bawk a. An chungah hian Section YMA te chu kan lawm tak zet zet a. Hemi atana sum thawh thei kan awm chuan Section YMA chuan lawm takin a dawng thei reng a ni.
    December ni 18, 2012 (Thawhlehni) zan Dar 7:00 hian Pu Kamlova te kawtah Advance Christmas hman tur a ni a. Member ten Gift Exchange tur ` 50 man aia hniam lo ken tur a ni a. Gift Exchange tur nei remchang lo tan pawh inthlahrung miah lovin a tam thei ang ber tel turin sawm kan ni e. Hemi zan hian Commedian lar Lalchharliana a rawn che dawn bawk a, zaithiam tak tak zai ngaihthlak tur a awm bawk ang. Hemi zan hian Section Committee kalkim leh hnatlang kalkimte lawmman pek bawk tur a ni e.
    Sd/- Secretary
    Damvea Sec.

Chhiartute ngaihdan :

@@    Inkhawm Service laia Venglai Biakin bul vel a lirthei, abikin, Truck leh Two Wheeler khalhtute hian inkhawm lai a nih leh nih loh ngaichang chung a, an lirthei khalhte a bengchheng lo thei ang ber akhalh nise a lawmawm hle ang.

- Pachhunga, Hlimen Vengthlang.

@@    Keini vengchhungah ngei pawh hian ei hmuh nana Electric thâ ring leh hlawhfa la a hnathawh nana hmanglo thei lo   kan tam ve tawh si a. Chuvangin hna kan in tih sukuk sak fo loh nan YMA Information  Centre a\ang hian a ni/darkar zawnga Power Supply  kan dawn dawn loh thu mipuite hnenah hriattir \hin ni thei tawh se ava lawmawm dawn em..

    Chhun leh zan a venglai dawr bul vela chawl \hin te hian kan thil eina kawr, panhnah, zial bungte i paih mai mai lo teh ang u. Sec. YMA, Taxi Welfare, kohhran leh Local Council te ngei pawhin a paihna tur bawm an dah belh leh tawh bawk a, i hmang \angkai zel ila. Tin, keini dawrkai te pawh kan dawr leh avel vawn faina kawngah \an i la thar ve zel bawk ang u.

@@    Khawtlang faina kawnga hmalakna beihpui thlak mek a ni a. Hetih laia mivengva leh Polite thei tura ngaih chinte High School naupang fing leh vengva awm fu fu ten School kal lam leh haw lama vengchhak kawnga CYCLOPAM ei ruahna kawr an paih phung mai thin hi \hing ka va ti em.. Ka ning em em a ni.

- Mapuia, Vengchhak.

Chawhchawrawi :

Hlimen Bi-Centenary Monument chu Dec. ni 14, 2012 (Zirtawpni) zing khan Pu K.Liantlinga MLA in a hawng.